उद्याेगी व्यवसायीका समस्या हल गर्न सरकारलाइ घचघच्याउछु : केपि अवाल

नीति नियमलाई कडाईपूर्वक कार्यान्वयन गरी व्यापक मात्रामा रोजगारीका अवसर सिर्जना गरेर साना साना पुँजीलाई एकतृत गरी उद्योगमा लगाउने, जसबाट समग्र जनताको आयस्तरमा वृद्धि हुने विचार व्यवसायी केपि अवालको छ । जनचाका आयस्तर वृद्धिहुने खालका कार्यक्रमहरू ल्याउन आवश्यक ठान्ने भक्तपुरका उनै व्यवसायी केपि अवालसंग व्यवसायीकाे अवस्था समस्या, चुनौती, समाधानका उपाए र निर्वाचनका बारेमा कुराकानी गरेका छौं ।

तपाई नेपाली उद्योगको क्षेत्रमा प्रवेश गरेको कति भयो ?
उद्योगको क्षेत्रमा भन्नु पर्दा मेरो इट्टा उद्योग हो । मेरो पूर्खा देखि नै गरि आएको उद्योग हो । बुबाको कामलाई निरन्तरता दिएको हुँ । सधै यहि काम किन गर्ने भनेर ३६ सालमा साझा भण्डारमा जागिर गरे ।

विगत लामो समय देखि उद्योग क्षेत्रमै हुनु हुन्छ, बिचमा के के गर्नु भयो ? 
जागिरको अनुभव समेटे पछि रेडिमेट व्यापार गरे । भाईहरु ठूलो भएपछि मैले इट्टा उद्योगलाई चाहिने कोइलाको व्यापार गरे । संगसंगै हार्डवयरको काम गरे । होटलपनि संचालन गरे । सफता नै छ भनौं । विभिन्न व्यापारिक संघ सस्थामा मेरो शेयर लगानी छ भनौं ।

यो सबै अनुभवले के भन्छ अथवा के कुरा सिकाउदछ ?
उद्योग संचालनको अनुभवमा निरन्तरता हुनु पर्छ भन्ने कुरा मलाई लाग्छ । जसले गर्दा सफल्तामा पुग्न सजिलो हुन्छ । व्यापारमा उतार चढाब भइरहन्छ । जवसम्म आफ्नो व्यवसायमा समय दिन सकिदैन तब सम्म सफलता हासिल गर्न सकिदैन । लगन, मेहनत गरेपछि सफलतामा अवश्यै पुग्न सकिन्छ ।

बिचमा तपाईले कुनै हण्डर ठक्करकाे सामना गर्नु भयो कि ?
हण्डर ठक्करको कुरा गर्दा उद्योग व्यवसायमा उतार चढाप त भइनै रहन्छ । मैले एक चोटी बैंकको व्याज पनि तिर्न नसक्ने अवस्थामा थिए । हार नमानी मेहनत गर्दै गए पछि राइज हुन पुगें ।

अहिले के छ अवस्था उद्योग व्यवसायको ?
अहिलेको व्यवसाय भन्दा मन्दीको रुपमा नै चलिरहेको छ । जुन बेलामा भुकम्पले घर बनेको थियो, त्यो बेला माथि गएको थियो । माग बढेको थियो तर अहिले अलि कम भएको छ । हतास हुनु भएन, सक्ने किसिमको उत्पादन भैरहेको छ ।

यस्तो अवस्थामा सरकारले के गरिदिए राम्रो हुन्थ्यो जस्तो लाग्छ ?
यस्तो अवस्थामा भन्दा पनि सरकारले अहिले पैसाको चलखेल बजारमा कम गरेको होकी ? पैसाको हुनु पर्ने चलखेल नहुँदा उद्योग व्यवसाय खस्केको अवस्थामा छ ।

उद्योगी व्यवसायी किन संगठित हुनु पर्दो रहेछ त ?
सवै नीतिको राजा राजनीति हो । राजनीति संगसंगै अरु नीति बन्ने हो । जब सम्म राजनीति सुध्रिदैन तब सम्म अरुनीति ओझेलमा पर्छ । त्यसैले पनि उद्योगी व्यवसायीले व्यवसायीक नीति बलियो बनाउन पनि एक हुनु पर्छ भन्ने लाग्छ । व्यवसायीक नीति राम्रो बनाउन पनि संगठित हुनु पर्छ । विभिन्न जिल्लामा पनि त्यस्तै लविङ्ग भैरहेको छ ।

नेपाल उद्योग बाणिज्य महासंघको निर्वाचन हुर्दै छ यसकाे  तयारी के छ ?
नेपाल उद्योग बाणिज्य महासंघको निर्वाचन हुदै छ । अहिले सम्म भक्तपुर जिल्लाबाट महासंघमा केन्द्रीय प्रतिनिधि नभएकाले पनि साथीहरुले भक्तपुरबाट केपि अवाल जानै पर्छ भनेर भनिरहेका छन् । त्यसै अनुसार मेरो अनुभवलाई पनि साथीहरुको भनाइमा नै लगाउनु पर्न भनेर पूर्वतीरको भिजिट पनि गरेको छु । महासंघमा जाने निर्णय पनि गरेको छु । 

माहोल कस्तो छ ?
सबैले सकारात्मक सुझाव दिएका छन् । विभिन्न संघ सस्थाबाट खारिएर आएको मान्छे, विभिन्न सस्थाको नेतृत्व पनि समालिसकेको मान्छे तपाई नै महासंघमा जानु पर्छ भनेर साथीहरुले भनिरहेका छन् । माहाेल एक दमै राम्राे छ ।

कहाँ कहाँ काम गर्नु भयो ?
लाइन्सको डिस्ट्रिक गर्भनर भैसकेको छु । रेडक्रस भक्तपुरको सभापति, रोटरीको जिल्ला अध्यक्ष, भक्तपुर जेसिसको अध्यक्ष, भक्तपुर इट्टा व्यवसायी संघको अध्यक्ष, नेपाल इट्टा उद्योग महासंघको महासचिवको रुपमा कार्यरत लगायतका धेरै क्षेत्रमा काम गरेको छु । सामाजिक संघ सस्थामा आवद्ध छु । धेरै क्षेत्रका अनुभवहरुलाई समेटेको हुनाले पनि केन्द्रीय सदस्यकाे प्रत्यासी साथीहरूले बनाएका हुन् ।

के भन्नु हुन्छ तपाईलाई भोट दिने सदस्यहरुले, तपाई किन दिने भोट ?
नेपाल उद्योग बाणिज्य महासंघ यस्तो सस्था हो, जुन सस्था उद्योगी व्यवसायीको छाता संगठनको रुपमा रहेको छ । एउटाले खुट्टा कमाएपछि सबैलाई असर पर्छ । त्यसैले दह्रोसंग उद्योगीका कुरालाई उभ्याउनका लागि मलाई भोट दिने हो । सक्षम नेतृत्वले उद्योगी व्यवसायीका समस्या हल गर्न पनि मलाई भोट दिनु हुन्छ । मेरो उम्मेदवारी उद्याेगी व्यवसायीका समस्या हल गर्न पनि हाे ।

तपाईका एजेण्डा, त्यहाँ जाँदाखेरी म यही गर्छु भन्ने केहि छ ?
धेरै जसो केन्द्रीय सदस्य साथीहरुले के भन्नु हुन्छ भने, दुई महिनामा एक चोटी हाजिर ग¥यो सकियो भन्नु हुन्छ । त्यस्तो नभएर जिम्मेवारी लिनु पर्छ भन्छु । जिम्मेवारी वहन गर्नु पर्छ । कार्यसमितिमा पनि महत्वपूर्ण रोल हुन्छ सक्षम नेतृत्वमा पु¥याउन । उद्योगी व्यवसायीमा परेको मर्कालाई समाधानका लागि महत्वपूर्ण भूमिका खेल्न, साना साना पुँजीलाई विकास गर्न, आर्थिक समृद्धिकालागि मेरो भूमिका रहन्छ ।

अहिले उद्योग व्यवसाय धरासायी बन्दै गएको छ, उद्योगी व्यवसायीका समस्याहरु के छन् ?
समस्या त धेरै छन् । अर्थमन्त्रीले जुन भिसिटिएस, ट्याक्सका कुरा, सामाजिक सुरक्षाका कुराहरु भए अन्य विभिन्न नीति नियमहरु लागु गर्नु भएको छ । ती राम्रा पनि छन् तर ती एकै चोटी लागु गर्न खोज्दा समस्या आउछ । राम्रो कुरा पनि एकैचोटी खाए पेट दुख्छ, पचाउन गाह्रो हुन्छ । त्यस्तै सिस्टमलाइ एक एक गरि लागु गर्नु पर्ने हो । यी कुरा ध्यान दिन जरुरी छ ।

भक्तपुर उवासंघलाई तपाई के भन्नु हुन्छ ?
धन्यबाद दिन चाहन्छु । सक्षम नेतृत्व भनेर तपाईलाई दिएका छौं भनेर मलाइ दिनु भयो । व्यवसायीका समस्या समाधान गर्न जुन विश्वासका साथ मलाई उम्मेदवारी दिनु भयो त्यसका लागि धेरै धन्यवाद दिन्छु ।

अब अन्तमा तपाई मतदातालाई कसरी आश्वस्त पार्नु हुन्छ ?
मैले मतदातालाई तपाईहरुले दिएको मत खेर जान दिने छैन भनेर भन्छु । भोलिका दिनमा तपाईले गरेकाे सहयोगको अनुभुति दिलाउने छु । उहाँहरुको विश्वासलाई उचाईमा पु¥याउने छु । त्यसैले भोट दिनुहाृस भनेर आव्हान गर्दछु ।

विचार दिनु भयाे त्यसकाे लागि धन्यवाद । मेराे विचारलाइ सबैका माझ ल्याइदिनु भयाे त्यसका लागि तपाइ र कैलाश खबर परिवारलाइ पनि धन्यवाद ।