Village Highland Resort

भौतिक पूर्वाधार निर्माणका लागि चार स्थानीय तह छनोट

भौतिक पूर्वाधार निर्माणका लागि चार स्थानीय तह छनोट image

कञ्चनपुर (रासस) । पर्यटकीय क्षेत्रको भौतिक पूर्वाधार निर्माणका लागि चारवटा पालिकाका पर्यटकीय क्षेत्र छनोटमा परेका छन् । बेदकोट नगरपालिका, कृष्णपुर नगरपालिका, भीमदत्त नगरपालिका र लालझाडी गाउँपालिका पर्यटकीय क्षेत्र भौतिक पूर्वाधार निर्माणका लागि छनोटमा परेका हुन् । संस्कृति पर्यटन तथा नागरिक उड्डयन मन्त्रालयले पर्यटन पूर्वाधार विकास तथा पर्यटन उपज विकास साझेदारी (सञ्चालन तथा व्यवस्थापन) निर्देशिका २०७७ अनुसार प्रदेश र स्थानीय तहको लागत साझेदारीमा पर्यटकीय गन्तव्य पूर्वाधार कार्यक्रमअन्तर्गत भौतिक पूर्वाधार निर्माणको कामलाई अगाडि बढाउने भएको हो ।

बेदकोट–४ स्थित लिङ्गेश्वर पर्यटकीय क्षेत्रको सांस्कृतिक पुरातत्विक तथा पर्यटकीय महत्वका पूर्वाधार निर्माणका लागि मन्त्रालयले रु सात करोड बजेटको व्यवस्था गरेको नगरप्रमुख अशोककुमार चन्दले बताउनुभयो । उहाँका अनुसार मन्त्रालयको रु चार करोड ५५ लाख र नगरपालिकाको रु दुई करोड ४५ लाखमा पर्यटकीय क्षेत्रमा पर्यटकको सुविधाका लागि भौतिक पूर्वाधार विकासको कार्य गरिने छ । लिङ्गेश्वर क्षेत्र पर्यटकको आकर्षक गन्तव्यका रूपमा रहेको छ । पहाडको चिरिएका थुम्कोलाई हेर्नका लागि आन्तरिक तथा बाह्य क्षेत्रका पर्यटक पुग्ने गर्दछन् ।

मन्त्रालयले कृष्णपुरमा रहेको गविजुला सामुदायिक वनमा साझेदारीमा इकोपार्क निर्माण गर्ने भएको छ । इकोपार्क निर्माणका लागि मन्त्रालयले रु दुई करोड ४० लाख र नगरपालिकाले रु एक करोड २८ लाख व्यहोर्ने गरी रु तीन करोड ६८ लाख रकम विनियोजन गरेको छ । गडबिजुला सामुदायिक वन त्यस क्षेत्रमा रहेको प्राकृतिक ताल र विशिष्ट प्रकारको जैविक विविधताका कारण परिचित रहेको छ । इकोपार्क निर्माणको काम दुई वर्षभित्रै पूरा गर्नुपर्ने छ ।

यसैगरी भीमदत्तमा इकोपार्क निर्माणका लागि मन्त्रालयले रु चार करोड ५० लाख र नगरपालिकाले रु दुई करोड ५० लाखको साझेदारी गर्ने भएका छन् । लालझाडी गाउँपालिकामा समेत मन्त्रालयको रु तीन करोड ४९ लाख र गाउँपालिकाको रु एक करोड ४९ लाख गरी रु चार करोड ९८ लाखको लागतमा पार्क (उद्यान) निर्माण गरिनेछ । उद्यान निर्माणका लागि एक वर्षको समयसीमा निर्धारण गरिएको छ ।

मन्त्रालयले देशभरका २०० पर्यटकीय गन्तव्यको पूर्वाधार विकास निर्माणका लागि स्थान छनोट गरी बजेटको व्यवस्था गरेको छ । सुदूरपश्चिम प्रदेशका नौवटै जिल्लाका २७ पर्यटकीय गन्तव्य पूर्वाधार निर्माणका लागि छनोटमा परेका छन् ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

  • निषेधाज्ञाभित्र सङ्क्रमण तीव्र image

    निषेधाज्ञाभित्र सङ्क्रमण तीव्र

    महोत्तरी । कोभिड–१९ सन्त्रास छल्न जारी निषेधाज्ञाभित्रै महोत्तरीमा सङ्क्रमण तीव्र बढेको छ । यसपालि नयाँ वर्ष २०७८ प्रारम्भ भएयता वैशाख १० गतेदेखि जिल्लामा दोहोरिएर देखिएको सङ्क्रमण जिल्लामा निषेधाज्ञा जारी...

  • अक्सिजन सिलिन्डर खोजी गरिँदै image

    अक्सिजन सिलिन्डर खोजी गरिँदै

    भादगाँउ । नयाँ भेरियन्टसहितको कोरोना भाइरसको सङ्क्रमण तीव्र गतिमा वृद्धि भएसँगै यसको रोकथाम र नियन्त्रणका लागि काठमाण्डौँ उपत्यकामा यही वैशाख १६ गतेदेखि निषेधाज्ञा जारी गरिएको छ । योसँगै सडक...

  • ठूला निजी अस्पताललाई कोभिड अस्पताल बनाउन आग्रह image

    ठूला निजी अस्पताललाई कोभिड अस्पताल बनाउन आग्रह

    काठमाडौ । शहरी विकास राज्यमन्त्री रामवीर मानन्धरले कोभिड–१९ महामारीमा अत्यावश्यक पर्ने अक्सिजन अभाव हुन नदिन सरकारले गम्भीर रुपमा काम गरिरहेको बताउनुभएको छ । बालाजुस्थित जनमैत्री अस्पतालको आज अनुगमन गर्दै...

  • गत २४ घण्टामा ८ हजार ४१८ जनामा कोरोना संक्रमण, थप ५३ जनाकाे मृत्यु image

    गत २४ घण्टामा ८ हजार ४१८ जनामा कोरोना संक्रमण, थप ५३ जनाकाे मृत्यु

    काठमाडौं । नेपालमा गत २४ घण्टामा  थप ८ हजार ४१८ जनामा कोरोना भाइरसको संक्रमण पुष्टि भएकाे छ। २४ घण्टामा १८ हजार ३०४ जनाको पिसिआर र एन्टिजेनसहित ८ हजार ४१८...