Village Highland Resort

एक दिनमा कति पानी पिउदा ठिक ?

एक दिनमा कति पानी पिउदा ठिक ? image

काठमाडौं । हाम्रो शरीरमा कति पानी चाहिन्छ भन्ने कुरा शारीरिक बनोटको आधारमा पनि फरक हुने गर्दछ । आयुर्वेदका अनुसार हाम्रो शरीरमा भोक प्यास, निद्रा, पिसाब र शौच आदिबाट संकेत पाउने गर्दछ । जब तपाईंलाई प्यास लाग्छ, पानी पिउनुहोस्, हरेक समय यी विषयमा धेरै चिन्ता लिनु जरुरी छैन ।

पानी किन ?
अझै पनि अन्यौल छ कि हामीले पानी किन पिउनुपर्छ भनेर ? शरीरको हरेक कोशिकाको लागि महत्वपूर्ण तत्व हो पानी । जो पोषक तत्वलाई शरीरको विभिन्न ठाउँमा सञ्चार गर्ने एवं त्यसको अवशोषण गर्ने कामको लागि महत्वपूर्ण छ । यसले सास लिने वा मल त्याग गर्ने जस्ता शरीरको विभिन्न क्रियालाई नियमित गर्न मद्धत गर्ने गर्छ । पाचन एवं मस्तिष्क क्रियाको लागि पनि पानी पिउनु महत्वपूर्ण हुन्छ । पानीले शरीरमा ऊर्जाको स्तर बढाउन मद्धत गर्छ ।

दैनिक २ लिटर पानी पिउँदा ऊर्जाको स्तर ४०० जुल्ससम्म बढ्ने गर्छ । पानी त्यतिबेला धेरै पिउनु जरुरी हुन्छ, जतिबेला तपाईंहरु नियमित वर्क आउटमा निस्कनुहुन्छ । विभिन्न अध्ययनले यो देखाएको छ कि शरीरमा पानीको कमी हुनुको सम्बन्ध ज्ञान र अनुभूतिसँग समेत रहेको छ । साथमा पानी पिउनुले मान्छेलाई कुनै पनि ध्यानमा फोकस गर्न मद्धत गर्ने गर्छ । पानीले पाचन प्रणालीको प्रक्रियासँग जोडिएको एन्जाइमको संश्लेषित गर्न समेत मद्धत गर्ने गर्छ ।

पानी मान्छेको पाचन प्रणालीलाई सामान्य बनाउनको लागि सहयोगी हुन्छ । कब्जियत जस्ता समस्याको घरेलु उपचारको रुपमा पनि पानीलाई लिन सकिन्छ । पानीमा रहेको अपशिष्ट पदार्थलाई शरीरबाहिर निस्कासित गर्नको लागि पनि पानीको सहयोग चाहिन्छ । यसले मललाई बाहिर पठाएर शरीरभित्रको शुद्धीमा सहयोग पु¥याउँछ । पर्याप्त मात्रामा पानी पिउनुले छालामा हाइड्रेसन बढाउन सहयोग गर्छ ।

साथमा यसले छालाको फिजियोलोजी समेत बढी गराउन मद्धत गर्छ । जसका कारण छाला कोमल एवं मुलायम बन्छ ।हरेक दिन कमसेकम आठ गिलास पानी पिउनुपर्छ भन्ने मानिन्छ । जसले गर्दा तपाईंको शरीर विषरहित, छाला पोषित हुने र हाइड्रेटेड गर्न समेत मद्धत गर्ने गर्छ । तर आयुर्वेदले यसलाई स्वीकार्दैन । पानी एक अनिवार्य तत्व हो ।

तर अत्यधिक पानीको सेवाले तपाईंलाई भोको महसुस नगराउला तर अपच हुने सम्भावना भने धेरै हुन्छ । चरक संहिता, सुश्रुत संहिता जस्ता शास्त्रहरुले यसबारेमा उल्लेख गरेका छन् । उनीहरुले शरीरमा जतिबेला प्यास बढ्छ त्यतिबेला पानी पिउन सकिने र त्यो नै पर्याप्त हुने बताउँछन् ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

  • स्पेनमा बन्दै लुम्बिनी गार्डेन image

    स्पेनमा बन्दै लुम्बिनी गार्डेन

    स्पेन । क्याथेरेस शहरमा लुम्बिनी गार्डेन बनाउने एक महत्वकांक्षी योजना अघि सारिएको छ । झन्डै १० अर्ब रुपैयाँको सो गार्डेन बनाउने योजना अघि सारेको हो । गार्डेनमा ४० मिटर...

  • तराईमा आज होलीको रौनक image

    तराईमा आज होलीको रौनक

    काठमाडौँ । फागु पूर्णिमा अर्थात् होली पर्व आज तराईका जिल्लामा हर्षोल्लासका साथ एकापसमा रङ खेली मनाइँदैछ । आपसी मेलमिलाप र सद्भावनाको सन्देश लिई आउने फागु पर्व आज परम्परागत रूपमा...

  • दाँतको हेरचाह गरे रोगबाट बच्न सकिन्छ image

    दाँतको हेरचाह गरे रोगबाट बच्न सकिन्छ

    काठमाडौं । हरेक वर्ष मार्च २० का दिन विश्वभर मुख स्वास्थ्यबारे चेतनामूलक कार्यक्रम गरी आज विश्व मुख स्वास्थ्य दिवस हो । मनाउन थालिएको छ । समयमै उचित ध्यान नदिदा...

  • किन मनाइन्छ ‘भ्यालेन्टाइन्स डे’ ? यस्तो छ रहस्य image

    किन मनाइन्छ ‘भ्यालेन्टाइन्स डे’ ? यस्तो छ रहस्य

    काठमाडौँ । १४ फेब्रुअरी अर्थात् भ्यालेन्टाइन्स डे । यस दिनको महत्व पश्चिमा मुलुकमा धेरै छ । उनीहरुको अगाडि ठूलो साँस्कृतिक महत्व बोकेको यो ‘पर्व’ नेपालमा पनि प्रणय दिवसका रुपमा...