Village Highland Resort

एक संघर्षशील नारी, जसले जनयुद्ध लडेर बहिर्गमित हुनु पर्‍याे

एक संघर्षशील नारी, जसले जनयुद्ध लडेर बहिर्गमित हुनु पर्‍याे image

निम्न वर्गिय परिवारमा जन्म लिएकी एक किशोरी कर्मठ बन्न जनयुद्धमा होमिइन् । आफुलाई साधारण नागरिकको रूपमा परिचित गराउँदै जीवनमा केहि गरेर सबै समान भएको हेर्न र वर्गविभेदको अन्त्य गरी सुन्दर संसार निर्माणको लक्ष्यमा लागिन् । तर त्यहि जनयुद्धले उनलाई बहिर्गमनमा पारिदियो । बहिर्गमित जनमुक्ति सेना भनेर मान पदवी पाउँला भन्ने उनले कहिल्यै ठानिनन् । तिनै व्यक्ति हुन् रिता पौडेल ।

उनै नारी जसले वर्गविहिन समाज निर्माणको सपना बोकेर जनयुद्धको बाटो रोजिन् । रिता जस्तै सुन्दर सपना सजाउँने धेरै जनमुक्ति सेनाहरु बहिर्गमित भएर निस्किए । उनी जस्तै लडेका केही नेतृत्व अहिले आलिशान महलमा बसेर ज्यूनार गर्छन् भने रिता जस्तै जनयुद्ध लडेका कैयौं मजदुरी गरेर पेटका लागि संघर्ष गरिरहेका छन् ।

कैयौं खाडीमा पसिना बगाइरहेका छन् । परिवर्तन नभएको होइन, परिवर्तनको मुख्य लडाईँ लडेकाहरु अयोग्य भएर घोषणा गरिदा चित्त दुखाउँछन् रिता जस्तै पूर्व जनमुक्ति सेनाहरु । अझै भन्ने गरेका छन्, ‘रगतले कोरिएको इतिहासलाई धोका दिने छैनौं’ आजको यो अंकमा उनै रिताको अनुभव जस्ताको त्यस्तैः

रगतले कोरिएको इतिहासलाई धोका दिने छैनः बहिर्गमित किशोरी

म साधारण परिवारमा २०४७ साल वैशाख २५ गते जन्मिएकी छोरी हुँ । मैले निर्वाह गर्नुपर्ने कर्तव्य र भूमिका के–के हुन् भन्नेमा अझै जानकार छैन । खानु, बस्नु, लाउनु भनेको व्यक्तिको नैसर्गिक अधिकार हो । त्यो नै जन्मको सार्थकता हो र ? त्यसैले नयाँ काम परिवेश र बाटो रोज्ने प्रयत्न भने नगरेकी होइन तर हरेक बाटोमा अप्ठ्यारा उकालीओराली र घुम्ती मोडहरू आउने र त्यसलाई पार गर्नुपर्ने कुरा त छँदैछ ।

त्यसमाथि पनि निम्न परिवारमा जन्मिए र हुर्केको कारणले गर्दा आर्थिक अभावमा पर्नुपर्ने बाध्यता छ । यहाँ आफन्तको माया सद्भाव र सहयोग त पैसामा साटिन्छ भने पराइको त झनै के कुरा भयो र ? त्यसकारणले आफ्नो लागि आफैँ बाटो बनाउँदै अगाडि बढ्ने क्रममा घर अगाडिको तघारो नाघेर वर्ग सङ्घर्षको भट्टि जनयुद्धमा हाम फालेर आफूले सकेको जानेको भूमिका निर्वाह गर्दै अगाडि बढेँ ।

त्यही क्रममा म विभिन्न भुगोलहरूमा विभिन्न जात, धर्म, संस्कार र संस्कृतिहरूको अध्ययन गर्न पुगियो । यहाँ हुने खाने वर्ग र हुँदा खाने वर्गबीचको खाडल र दूरीको मापन गर्न सक्ने क्षमता बनाय । भोक, प्यास दुःख सुखको संगमलाई बुझ्नको लागि पनि मानिसले एक पटक आफ्नो घर छोडेर सङ्घर्षमा होमिनु पर्ने रहेछ । अनि मात्र मान्छेले मानव जगतलाई बुझेर त्यहि अनुसारको व्यवहार र कर्म गर्न सक्दछ ।

यति लेखिरहँदा म आफूमा आफैँ सबै कुराको ज्ञानले भरिपूर्ण छु भन्न खोजिरहेकी पक्कै छैन तर पनि मानिसले ठाउँ र अवसर पाएमा जो जहाँ पनि पुग्न सक्ने क्षमता बनाएर जस्तो पनि भूमिका निर्वाह गर्नलाई पछि नहट्ने कुराहरू वर्ग सङ्घर्षको भट्टिमा खारिएर निक्लिएका योद्धाले उदाहरण दिई नै रहनु भएको छ ।

म यस्तो देशको नागरिक हुन पुगेकी जहाँ धनीलाई मतलब नै छैन, मध्यम वर्गलाई फूर्सद नै छैन र निम्न वर्गले चाहेर पनि गर्न सक्दैनन् अनि कहाँबाट आउँछ त परिवर्तन ? नेताहरू जति पनि सत्तामा पुग्नु भयो । त्यहाँको भत्ताले उहाँहरू आफू परिवर्तन भएर सेलिब्रेटी हुनुभयो र आफ्नो अस्तित्व जोगाउनेतर्फ लागि पर्नुभयो ।

Rita treeत्यसपछि कता देश, कता जनता, कता उत्पिडित वर्ग, घाइते, अपाङ्गता भएका व्यक्ति र सहिद परिवारसँग बिरानो हुन पुग्नुभयो र मजस्ता साना कार्यकर्ता बिचलनमा परी राजनीतिमा गरेको त्याग, तपस्या समर्पण र सङ्घर्षलाई बीच बाटोमा छोडेर आफ्ना सपनाहरूलाई थाती राख्दै बिलिन हुन पुग्यौ र यो पँुजीवादी समाजमा हरायाैँ ।

यहाँ आफ्नो अस्तित्व बनाउन र जोगाउन धेरै नै मेहनत र सङ्घर्ष गर्नु पर्छ । सङ्घर्षको मैदानमा नथाकी दौडने योद्धाको हातमा यो संसार छ । सफलता कसैले उपहारमा दिईने सामान होइन, मेहनतले पाउने हो तर म भन्छु सफल हुनु ठूलो कुरा छैन । हामी असल नागरिक हुन सकेमा मात्र पनि संसार असल हुनेछ ।

त्यसकारण म आफूले आफूलाई सफल बनाउनेतर्फ भन्दा पनि असल बन्न सकु त्यसतर्फ लम्किरहेका मेरा पाईला कहाँ सम्म पुगेर रोकिने हुन् म आफैँ अनविज्ञ छु । आज नेपालमा सङ्घीय लोकतान्त्रिक गणतन्त्र स्थापना भएकोछ तर हाम्रो देशका नेताहरू सत्ताको भत्ताकै भागवण्डा नमिलेर लुछाचुडी गर्न मै व्यस्त छन् । जनता कोरोनाको कहरमा मरिरहेका छन् ।

हामी देखेर हेरेर पनि गर्न सक्ने अवस्था नभएर अन्जान बनी दर्शक बनेर हेरिरहेका छौँ । यो भन्दा ठूलो बिडम्बना अरू के नै हुन सक्छ र ? शहिदको सपना र उहाँहरूले देखाउनु भएको बाटोमा निरन्तर अगाडि बढिरहने छु र रगतले कोरिएको इतिहासमा कहिले धोका नदिने बाचा गर्नेछु । अनि मलाई जन्म दिने मेरा आमा बुवाप्रति नमन गर्न चाहन्छु धन्यवाद !

बहिर्गमित पूर्व लडाकु
रिता पौडेल
कमरेड ‘रक्षा’

 

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

  • ‘अब त बाचुन्जेल घरको छाना फेर्न नपर्ला’ image

    ‘अब त बाचुन्जेल घरको छाना फेर्न नपर्ला’

    गलकोट । बागलुङको निसीखोला गाउँपालिका–४ की गौमती दमिनीले हरेक दुईदुई वर्षमा घरको छानो फेर्दै हैरानी खेप्दै आउनुभएको थियो । न्यून आयस्रोत भएको परिवारकी गौमतीलाई प्रत्येक दुई वर्षमा घरको छानोमा...

  • परीक्षण उडानको तयारीमा गौतमबुद्ध अन्तरराष्ट्रिय विमानस्थल image

    परीक्षण उडानको तयारीमा गौतमबुद्ध अन्तरराष्ट्रिय विमानस्थल

    सिद्धार्थनगर, । निर्माणाधीन गौतमबुद्ध अन्तरराष्ट्रिय विमानस्थल परीक्षण उडानको अन्तिम तयारीमा पुगेको छ । विमानस्थलको प्राविधिकतर्फको काम सकिएपछि अब परीक्षण उडानको तयारी गरिएको हो । गौतमबुद्ध अन्तरराष्ट्रिय विमानस्थलका आयोजना प्रमुख...

  • महामारीले चितवनमा घटे आधा पर्यटक image

    महामारीले चितवनमा घटे आधा पर्यटक

    चितवन, । कोरोना सङ्क्रमण बढेसँगै लगाइएको निषेधाज्ञाले यहाँ आउने पर्यटक आधा घटेका छन् । अघिल्ला वर्षहरुको तुलनामा पर्यटक आगमनमा कमी आएको हो । चितवन राष्ट्रिय निकुञ्जमा स्वदेशी एवं विदेशी...

  • अवैध काठ ओसारपसारमा संलग्न पक्राउ image

    अवैध काठ ओसारपसारमा संलग्न पक्राउ

    मोरङ ।  काठ तस्करीमा संलग्न ४ जना लाई प्रहरीले पक्राउ गरेकाे छ । प्रतिबन्धित सखुवा जातको काठ अवैध रुपमा चोरी निकासी गरिरहेकाे अवस्थामा उनीहरू पक्राउ परेकाे प्रहरीकाे भनाई  छ...