Village Highland Resort

बादललाई समेट्ने प्रयास, पत्नी नैनकला बनिन् सञ्चारमन्त्री

बादललाई समेट्ने प्रयास, पत्नी नैनकला बनिन् सञ्चारमन्त्री image

काठमाडौं । प्रधानमन्त्री केपी शर्मा ओलीले मन्त्रिपरिषद्लाई पूर्णता दिएका छन् । ओलीले नेकपा एमालेबाट ६ मन्त्री र एक राज्यमन्त्री नियुक्त गरेका हुन । जनता समाजवादी पार्टी महन्थ ठाकुर पक्षबाट एक मन्त्री बनाइएसंगै मन्त्रिपरिषद्ले पूर्णता पाएको छ ।

२५ सदस्यीय मन्त्रिपरिषद्मा तीन उपप्रधानमन्त्री छन् भने १८ मन्त्री र तीन राज्यमन्त्री भए । कास्कीबाट निर्वाचित खगराज अधिकारी बिहीबार मन्त्रिपरिषद् विस्तार गर्दा उनले गहृमन्त्रीको जिम्मेवारी पाएका छन् । यस भन्दा पहिले महेश बस्नेतको गहृमन्त्रीमा दाबी थियो । पूर्वगृहमन्त्री रामबहादुर थापा बादलकी पत्नी नैनकला थापा सञ्चार तथा प्रविधिमन्त्री बनेकी छन् । महिला आयोगको अध्यक्ष भइसकेकी थापा सक्रिय राजनीतिमा छन् ।

त्यस्तै प्रधानमन्त्री ओलीले एमालेबाट नादरमुनी रानालाई वनमन्त्री, गशेण पहाडी संघीय मामिला तथा सामान्य प्रशासनमन्त्रीको जिम्मेवादी पाएका छन् । हुम्ला जिल्लाको प्रतिनिधित्वको रुपमा नेता मोहन वानियाँलाई प्रधानमन्त्री तथा मन्त्रिपरिषद्को कार्यालय हेर्ने गरी जिम्मेवारी दिइएको छ भने ज्वालाकुमारी साह कृषिमन्त्री बनेकी छन् भने आशा विक वनराज्यमन्त्री बनेकी छन् ।यता जसपाको महन्थ ठाकुर पक्षबाट राजकिशोर यादव उद्योगमन्त्री बनेका छन् ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्