Village Highland Resort

अफगान राष्ट्रपति घानीको प्रश्न– तालिबान कसका लागि लडिरहेका छन् ?

अफगान राष्ट्रपति घानीको प्रश्न– तालिबान कसका लागि लडिरहेका छन् ? image

काबुल–अफगानिस्तानमा भइरहेको हिंसाप्रति चिन्ता व्यक्त गर्दै राष्ट्रपति अशरफ घानीले अहिलेको हिंसाको निरन्तरताका लागि तालिवान जिम्मेवार भएको बताएका छन् । उनले प्रश्न गरेका छन्, ‘तालिबानहरु कसको पक्ष लिइरहेका छन् ? देशको विनाश भयो भने कसलाई फाइदा हुन्छ ?’

खोस्ट प्रान्तमा भएको भेलालाई सम्बोधन गर्दै घानीले स्वतन्त्रता, गणतन्त्र र सहअस्तित्वका लागि एकजुट भएर बस्नसमेत आग्रह गरेका छन् । अफगानिस्तानमा हिंसा बढेपछि राष्ट्रपति घानीले यस्तो बताएका हुन् ।

संयुक्त राज्य अमेरिकाले आफ्नो सेना फिर्ता लिन सुरु गर्दै सेप्टेम्बरसम्ममा सबै सेनाहरु पूर्णरुपमा फिर्ता गरिसक्ने घोषणा गरेपछि अफगानिस्तानमा तालिबानीहरुले आक्रमणलाई तीव्र पारेका छन् ।

‘तालिबान युद्धको निरन्तरताका लागि जिम्मेवार छ,’ घानीले भने, ‘तालिवानलाई सोध्नु पर्छ कि उनीहरू कसका लागि लडिरहेका छन् ? अफगानिस्तान बर्बाद भयो र अफगानी नागरिक मारिएमा कसलाई फाइदा हुन्छ?’

‘यदि तपाई अफगानिस्तानलाई माया गर्नुहुन्छ भने मलाई वाचा गर्नुहोस् कि तपाईले डुरन्ड लाइनलाई स्वीकार गर्नुभएन, अफगानिस्तानलाई एक चौबाटोबाट एकतर्फी सडकमा नबढाउने वाचा गर्नुहोस्, मलाई वाचा गर्नुहोस् कि तपाईले अफगानिस्तानको पानी अरुलाई बेच्नु हुनेछैन, मलाई वाचा गर्नुहोस् तपाईं अन्य मुलुकको स्वार्थका लागि आफ्नो मुलुकलाई घात गर्नुहुन्न,’ राष्ट्रपति घनीले तालिबानलाई औंल्याउँदै भने ।

‘हामी सबैसँग शान्ति चाहन्छौं । यसको फाइदा कसले पाउने छ ? देशमा विकास निर्माणका संरचनाहर ध्वस्त भइरहेका छन् ? यसको क्षति कसले ब्यहोरिरहेको छ ?,’घानीले प्रश्न गरे ।

मुलुकमा शान्तिको बारेमा कुरा गर्दै घानीले भने, ‘अफगानिस्तान सरकारले शान्ति प्रक्रियालाई अगाडि बढाउन धेरै प्रयास गरिसकेको छ र शान्ति चाहन्छ, तर तालिवानले हिंसालाई निरन्तरता दिए ।’ उनले थपे, ‘उनीहरूले (तालिबानले) वार्तामा भाग लिनु पर्छ र बाहिरी व्यक्तिको हुकुमले उनीहरूको देश बिगार्नु हुँदैन ।’

यसैबीच तालिबानले देशभरका धेरै जिल्लाहरू नियन्त्रणमा लिएको छ र अमेरिकी गुप्तचरको मूल्यांकनले देशको नागरिक सरकार अमेरिकी सेना पूर्णरूपमा फिर्ता लिएको केही महिना भित्र आतंकवादी समूहको कब्जामा पर्नसक्ने चेतावनी दिइएको छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्