चिनीकाे मूल्य बढ्याे, व्यापारी पिच्छे फरक फरक मूल्य

चिनीकाे मूल्य बढ्याे, व्यापारी पिच्छे फरक फरक मूल्य image

काठमाडौं । नेपाल खुद्रा व्यापार संघले नेपाली बजारमा चिनीको मूल्य प्रतिकिलो १०५ रुपैयाँ पुगेको जनाएको छ । व्यापार संघले आज (आइतबार)देखि चिनीको मूल्यमा प्रतिकिलो १० रुपैयाँले बढेर १०५ रुपैयाँ पुगेको जनाएको हो ।

यसअघि नेपाली बजारमा प्रतिकिलो ९५ रुपैयाँ रहेको चिनीअहिले बढेर १०५ रुपैयाँ पुगेको व्यापार संघका महासचिव अमुलकाजी तुलाधरले जानकारी दिए । उनका अनुसार चिनीको निर्यातमा भारतले प्रतिबन्ध लगाउँदा नेपाल प्रभावित बनेको हो । उनले भने, ‘नेपालको उत्पादनले नेपाली बजार नै धान्दैन् । चिनीको मागलाई धान्न भारतबाट ल्याउनु नै पर्छ । भारतले निर्यात रोकेको थाहा पाएर व्यापारीहरुले चिनी लुकाएका छन् ।’

महासचिव तुलाधरले व्यापार संघले चिनीको आधिकारिक मूल्य १०५ रुपैयाँ तोके पनि थोक व्यापारीहरुले पसल पिच्छे फरक–फरक मूल्य कायम गरेको बताए । थोक व्यापारीले बजारमा चिनीको खुद्रा मूल्य प्रतिकिलो १०५ रुपैयाँदेखि ११० रुपैयाँसम्म कायम भएको छ ।

 

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्