भारी वर्षाका कारण विभिन्न भागमा क्षेती, उच्च सतर्कता अपनाउन आग्रह

भारी वर्षाका कारण विभिन्न भागमा क्षेती, उच्च सतर्कता अपनाउन आग्रह image

काठमाडौं । भारी वर्षाका कारण देशभरको जनजीवन प्रभावित भएको छ । पछिल्लो ६ घण्टामा अति भारी वर्षा मापन भएको जानकारी दिंदै उच्च सतर्कता अपनाउन आग्रह गरिएको छ ।

यसैबीच कास्कीको लुम्ले र जुमलेटीमा अति भारी वर्षा मापन भएको जल तथा मौसम विज्ञान विभागले जनाएको छ । बाढी सूचना केन्द्रले सूचना जारी गर्दै पछिल्लो ६ घण्टामा अति भारी वर्षा मापन भएको जानकारी दिएको हो ।

पछिल्लो चौबिस घण्टामा १७१.५ मिलिमिटर वर्षा मापन भएको बाढी सूचना केन्द्रले जनाएको छ । २४ घण्टामा १४० मिलिमिटरसम्म वर्षा मापन भए बाढीपहिरोको उच्च जोखिम हुने खतरा हुन्छ ।

अति भारी वर्षाका कारण कास्की र आसपासका खोलामा आकस्मिक बाढी आउन सक्ने र कमजोर तथा भिरालो जमिनमा पहिरो जान सक्ने जल तथा मौसम विज्ञान विभागको बाढी सूचना केन्द्रले जनाएको छ ।

त्रिशूली, बुढीगण्डकी, मर्स्याङ्दी, कालीगण्डकी, पश्चिम राप्तीका शाखा नदीहरु लगायत प्रदेश १, बागमती, गण्डकी, लुम्बिनी प्रदेश भई बग्ने नदीहरुम बहाव बढ्ने र आकस्मिक बहाव हुन सक्ने पूर्वानुमान अघिल्लो दिन नै विभागले सार्वजनिक गरेको थियो ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्