आगामी दुई साता थप चुनौतीपूर्ण हुनसक्छ : प्रधानमन्त्री (भिडियाे सहित)

२५ चैत, काठमाडौं । प्रधानमन्त्री केपी शर्मा ओलीले आगामी दुई साता थप चुनौतीपूर्ण हुनसक्ने बताएका छन् । मंगलबार विहान करिव ११ः१५ तिर देशबासीलाई सम्बोधन गर्दै उनले यो अवधिमा थप संक्रमित देखिने मात्र होइन, समुदायमा संक्रमण फैलिने जोखिम रहेको बताए ।

कोरोनाको संक्रमण फैलिन नदिन सरकारले काम गरिरहेको र केही दिनमै नयाँ ट्रेसिङ एप सुरु गर्ने तयारी भइरहेको उनले बताए । कडाउनले नेपाली जनतामा पर्न गएको असुविधाप्रति आफु संवेदनशील रहेको बताए । दिनदिनै ज्यालादारी गरेर गुजारा गर्नुपर्ने श्रमिकहरु सर्वाधिक मर्कामा रहेको, धेरै व्यवसायीले आफ्नो व्यवसाय बन्द गर्नुपरको र विद्यार्थीहरुको पढाइ छुटेको बताए ।

विगतमा आफ्नो जेल बस्दाको दिन  समेत सम्झिदै उनले भने लामो एकान्तबास बस्दाको कठीनाई सहजै अनुभूत गर्न सक्छु । तर नियन्त्रणका लागि हालसम्म कुनै औषधि पत्ता नलागेको यस महामारी विरुद्ध लकडाउन अपरिहार्य कदम हो भन्ने सबैलाई थाहा छ ।’

लकडाउनकै कारण महामारी फैलन नदिने सरकारको  प्रयासमा ठूलो सहयोग पुगेको पनि उनले बताए ।