- ४ कार्तिक २०८३, बुधबार / Oct 21, 2026
१२ जेठ २०७७ काठमाडौं । कर्णाली प्रदेशमा ११ जना कोरोना संक्रमित पुगेसंगै नेपालमा ६८२ जना संक्रमित भएका छन् । स्वास्थ्य तथा जनसंख्या मन्त्रालयले दिएको जानकारी अनुसार सोमबार दोस्रो पटक सातजना संक्रमित थपिएका छन् ।
प्रवक्ता डा.विकास देवकोटाका अनुसार सेती अञ्चल अस्पताल कैलालीमा गरिएको परीक्षणमा अछामको मेल्लेखमा ३२ वर्षीय युवकमा कोरोना पुष्टि भएको छ । अहिले अछाम अस्पतालमा उपचार भइरहेको छ । भेरी अस्पतालमा गरिएको परीक्षणमा बर्दियाको गुलरियाका तीनजनामा कोरोना पुष्टि भएको छ ।
भिडियो हेर्नुहोस्…
https://www.facebook.com/Kailashkhabarnews/videos/693617844785305/
गुलरिया १० बर्दियाका २२ र २४ वर्षीय तथा गुलरिया २ का १८ वर्षीय पुरुषमा कोरोना पुष्टि भएको हो । त्यसैगरी चितवनस्थित नारायणी अस्पतालको ल्याबमा गरिएको परीक्षणमा २ जनामा संक्रमण देखिएको छ ।
जिराभवानी गाउँपालिका पर्साका १८ वर्षीय पुरुष र काठमाडौं घर भइ बाराको कलैयामा काम गर्दै आएका २६ वर्षीय पुरुषमा पनि कोरोना पुष्टि भएको छ । नेशनल मेडिकल कलेज वीरगञ्जमा जेठ ४ गते ज्यान गुमाएका बाराका ७० वर्षीय वृद्धमा कोरोना पुष्टि भएको छ ।
नेपालमा अहिलेसम्म गरि ४ जनाको मृत्यु भएको छ भने ११२ जना निको भएर घर फर्किएका छन् । देशभरी ५१ हजार ६ सय ४२ जनाको परिक्षण गरिएको छ ।
