कोभिड–१९ को संक्रमण रोक्न भक्तपुर नगरमा यस्ताे छ व्यवस्था (भिडियाे कुराकानी)

११ बैशाख २०७७ भक्तपुर । कोभिड–१९ को संक्रमण रोक्न देश लकडाउनको अवस्थामा रहेका बेला भक्तपुर नगरपालिकाले जनचेतनाका काम अगाडि बढाईरहेको छ । किसानको बाहुल्यता रहेको भक्तपुरमा नगरका वडाहरुले कोरोनाको नियन्त्रण गर्न सरसफाई, किटनाशक औषधि छर्किने काम देखि स्वयम सेवक परिचालन गरी जनचेतना, राहतका कार्य गरिरहेको भनपा वडा न. २ का अध्यक्ष हरि प्रसाद बासुकलाले बताएका छन् ।

भक्तपुरमा कोठाभाडामा बस्ने नागरिकलाई राहतको वितरण गरेको बताए । २०३ जनालाई राहत वितरण गरेकोमा २० प्रतिशत भक्तपुरका स्थानीय र ८० प्रतिशत बाहिरबाट कोठा भाडामा बस्नेलाई विशेष प्राथमिक्ताकासाथ वितरण गरेको अध्यक्ष बासुकलाले बताए ।

नेमकिपाले देश र जनताको निम्ति काम गर्न भनेकाले विभेदरहित तरिकामा राहत वितरण गरेको दावी गर्दै भिडभाड नहुन जनतालाई सजक गराएको बताए । अत्यावश्यक सामान किन्न विहान ५ देखि ८ र वेलुका निश्चित समयका लागि अनुमति पत्रको व्यवस्था गरिएको बताए ।

आलुउखेल्ने समय भएकाले प्रहरीसंगको समन्वयमा किसानलाई सहजता प्रदान गरेको बताए । विशेषगरी स्वास्थ्य क्षेत्रमा ध्यान दिएको भन्दै उनले नागरिकलाइ सहज सेवाका निम्ति प्रहरीसंगको समन्वयमा अस्पताल सम्म जाने व्यवस्था मिलाएको बताए । शिक्षाको क्षेत्रमा नगरभित्र एसइइलाई केन्द्रमा राखेर टेलिभिजन शिक्षा लागु गरिएको जानकारी दिए ।

बाँकी यो भिडियो हेर्नुहोस्