गम्भिर बिरामी मात्र अस्पताल आउन आग्रह

बागलुङ । कोभिड–१९को जोखिम हुन नदिन धवलागिरि अञ्चल अस्पतालले सामान्य मानिसलाई अस्पतालमा स्वास्थ्य परीक्षण गर्न नआउन आग्रह गरेको छ ।

उच्च सतर्कता अपनाउदै भीडभाड बढ्न नदिन अस्पतालले गम्भीर बिरामी र कोरोनाको लक्षण देखिएमात्र अस्पतालमा आउन आग्रह गरेको हो ।

कोरोनाको आशङ्कामा स्वस्थ व्यक्ति अस्पतालमा आउँदा झनै समस्या हुने ठहर गर्दै अस्पताल, जिल्ला प्रशासन कार्यालय, स्वास्थ्य कार्यालय संगको बैठक बसेर सर्वसाधारणलाई आग्रह गरिएको अस्पतालका अध्यक्ष केवी राना मगरले जानकारी दिए ।