‘चीनसंग निहुँ खोज्दै अमेरिका’

‘चीनसंग निहुँ खोज्दै अमेरिका’ image

काठमाडौं । चीनको सैन्य युद्धपोतबाट सैन्य ग्रेडको लेजर प्रहार भएको अमेरिकी जलसेनाले आरोप लगाएको छ । गत हप्ता भएको यस घटनालाई अमेरिकी जलसेनाले ‘असुरक्षीत र अव्यवसायिक’ को संज्ञा समेत दिएको छ ।

बिहीबार एक वक्तव्य जारी गर्दै अमेरिकी जलसेनाले आफ्नो पी–८ सर्भेलेन्स विमानमाथि लेजर खसाएको आरोप लगाएको हो । ‘जनगणतन्त्र चीनको नेभी डिस्ट्रोयरको हर्कत असुरक्षीत र अव्यवसायिक थियो,’ अमेरिकी जल सेनाले आफ्नो वक्तव्यमा भनेको छ ।

सैन्य ग्रेडको लेजर बिमले शक्तिशाली प्रकाशको सृजना गरेर लामो दुरीसम्मको यात्रा गर्न सक्ने र यसले विमानको ककपिटलाई उज्यालो बनाएर पाइलटलाई केही बेर ‘दृष्टिविहीन’ बनाइदिने जानकारहरु बताउछन् । अमेरिकाले औपचारिक कुटनीतिक विरोध ‘डिमार्के’ पनि जारी गर्न सक्ने रक्षा मन्त्रालयले जनाएको छ ।

सन् २०१८ मा जिवुटीमा अमेरिकी सी–१३०जे विमानमा यस्तै घटना भएको र सो घटनामा अमेरिकाले कुटनीतिक विरोध जनाएको थियो । साउथ चाइना सीमा अमेरिका र चीनबीच लामो समयदेखि तनाव चलिरहेको छ । यो घटनामा संलग्नताका बारेमा चीनको धारणा सार्वजनिक भएको छैन । चीनसंग अमेरिकाले निहुँ खोजिरहेको विष्लेशकहरुले बताएका छन् ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda