- / Dec 3, 2024
काठमाडाैं । कोभिड–१९ सम्बन्धी विपद् व्यवस्थापन कार्यमा जवाफदेहिता, पारदर्शिता र सदाचार कायम गर्न ट्रान्सपरेन्सी इन्टरनेशनल (टीआई) नेपालले अपील गरेको छ ।
अहिले सारा विश्व कोभिड–१९ संक्रमणको महामारीबाट आक्रान्त भएको भन्दै यस महामारीबाट बच्न सामाजिक दूरी बढाउन संसारभरि नै विभिन्न देशहरुले लकडाउन गरी आवात–जावत, उडान र सीमामा बन्देज लगाएको अवस्थालाई मध्यनजर गरि सतर्क सहन आग्रह गरेको छ ।
कोभिड–१९ सम्बन्धी तिनै तहका सरकारबाट भइरहेका र अब हुने विपद् ब्यवस्थापनका कार्यमा जवाफदेहिता, पारदर्शिता र सदाचार कायम होस् भन्ने हेतुले भ्रष्टाचार विरुद्ध सक्रिय ट्रान्सपरेन्सी इन्टरनेशनल (टीआई) नेपालले १० बुँदे अपील जारी गरी सम्बन्धित पक्षको ध्यानाकर्षण गराएको छ ।
बुँदाहरु
१. कोभिड–१९ सँग सम्वन्धित प्रयास र कार्ययोजना थप प्रभावकारी बनाउन सामूहिक र क्षेत्रगत प्रयास जरुरी छ । विषयगत विषेशज्ञहरु सम्मिलित समितिहरुबाट यस विपद् व्यवस्थापनका चरणवद्ध कार्ययोजना निर्माण गरी लागू गरिनु आवश्यक छ ।
२. कोभिड–१९ संक्रमण रोक्ने केन्द्र, प्रदेश र स्थानीय सरकारका राष्ट्रिय, प्रादेशिक र स्थानीय कार्ययोजनामा भ्रष्टाचार र अनियमितता हुनबाट रोक्ने र भएको खण्डमा कडा कारबाही गर्न जरुरी छ ।
३. कोभिड–१९ रोकथाम गर्ने केन्द्र, प्रदेश र स्थानीय सरकार र तीनका निकायहरुको समन्वयात्मक कार्यमा जवाफदेहिता बढाउन जरुरी छ ।
४. कोभिड–१९ संक्रमण रोक्न तिनै तहको सरकारबाट विनियोजित बजेट र संकलित रकमका साथै तिनको प्रयोग एवं खर्चको विवरण सर्वसाधारणका लागि पारदर्शी बनाइनु पर्दछ ।
५. कोभिड–१९ रोकथामसम्बन्धी उपकरण, सामाग्री तथा औषधि सार्वजनिक खरिद प्रक्रिया र ऐन–कानूनबमोजिम तोकिएका, जिम्मेवार तथा विशिष्टकृत निकायबाट किफायतीरुपमा गरिनुपर्दछ ।
६. सरकार र संघ–संस्थाहरुभित्रैबाट कोभिड–१९ सम्बन्धी कार्यलाई पारदर्शी बनाउने वा अनियमितताबारे जानकारी दिने कर्मचारी वा अन्यलाई कारबाही नहुने व्यवस्था सुनिश्चित गरिनुपर्दछ ।
७. कोभिड–१९ सम्बन्धी काम–कारबाहीबारे सूचना माग्न पाउने नागरिकको हक सरकारद्वारा सम्मान गरिनुपर्दछ ।
८. कोभिड–१९ नियन्त्रण सहयोगी औषधि, मास्क, स्यानिटाइजर, साबुन, चस्मा, प्रोटेक्टिभ लुगा, भेन्टिलेटर आदि सरकारबाट तोकिएका स्वास्थ्य संस्थामा यथाशिघ्र उपलब्ध गराइनु पर्दछ ।
९. सरकारीस्तरबाट हुने कोभिड–१९ को रोकथाम र नियन्त्रणसम्बन्धी सबै प्रकारका विपद् ब्यवस्थापनका प्रयासमा मानवअधिकार र जनचाहनालाई केन्द्रविन्दु बनाइनु पर्दछ ।
१०. कोभिड–१९ सम्बन्धी सरकारी प्रयास र कार्यमाथि संसद्द्वारा सक्रियरुपमा निर्देशन, अनुगमन र सुपरिवेक्षण गरिनुपर्दछ ।
(टीआई) नेपालका महासचिव मुकुन्द बहादुर प्रधानद्धारा हस्ताक्षरित विज्ञप्ती
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
चितवन । राष्ट्रिय स्वतन्त्र पार्टीका सभापति रवि लामिछानेलाई चितवन लगिएको छ । सहकारीको रकम हिनामिना गरेको आरोपमा थुनामा रहेका लामिछानेलाई मंगलबार चितवन लगिएको हो । सहारा चितवन सहकारी लिमिटेडको...
काठमाण्डौ । पाठेघरको मुखको क्यान्सर रोकथाम गर्न फागुन महिनाभर परिक्षण हुने स्वास्थ्य तथा जनसङ्ख्या मन्त्रालयले जनाएको छ । मन्त्रालयले दुई लाख ५० हजार महिलाको परीक्षण तथा रोग पहिचान गर्ने...
काठमाण्डौ । यो वर्षकै कम तापक्रम उपत्यकामा मापन भएको छ । काठमाण्डौ उपत्यकामा मंगलबार यो वर्षकै कम तापक्रम मापन गरिएको हो । कोशी, बाग्मती, गण्डकी र कर्णाली प्रदेशका पहाडी...
काभ्रेपलाञ्चोक । जिल्लाको पर्यटकीयस्थल भुम्लु गाउँपालिका दोलालघाट क्षेत्रमा पर्ने सुनकोशी र इन्द्रावती दुई नदीमा स्टिमर (मोटरबोट) सञ्चालनको तयारी थालिएको छ । यसका लागि सम्झौताअनुसार परीक्षण भइरहेको गाउँपालिकाले जनाएको छ...
