नेपालमा ३६ जना कोरोना संक्रमित थपिएसंगै संक्रमितको संख्या ५८४ पुग्यो (भिडियो सहित)

१० जेठ २०७७, काठमाडौं । नेपालमा ३६ जना कोरोना संक्रमित थपिएसंगै संक्रमितको संख्या ५८४ पुगेको छ । बाँकेका २७ जना, बैतडीका ४ जना, बर्दियाका १ जना झापाका १ जना र सुर्खेतका ३ जना नयाँ संक्रमित रहेका छन् ।

राप्ती स्वास्थ्य विज्ञान प्रतिष्ठानको परीक्षणमा बाँके नरैनापुरका २७ जनामा कोरोना पोजेटिभ देखिएको हो । नरैनापुरको मदरसाका १७ देखि ३२ वर्ष उमेर समूहका ६ जना, नरैनापुर ३, राष्ट्रिय प्रावि गेगलीमा गरिएको नमुना संकलनमा १६ देखि ३२ उमेर समूहका १५ जनामा पोजेटिभ देखिएको हो ।

यस्तै, नरैनापुर कै १ मा २२ देखि ५० वर्ष उमेर समूहका ६ जनामा पोजेटिभ देखिएको मन्त्रालयका प्रवक्ता डा. विकास देवकोटाले बताए ।

भिडियो…

https://www.facebook.com/Kailashkhabarnews/videos/2640032989656173/

सेती प्रादेशिक अस्पतालको परीक्षणमा बैतडीको शिवनाथ गाउँपालिकाका ४ जनामा संक्रमण पोजेटिभ देखिएको छ । २० वर्षका २ जना, २२ र २७ वर्षिय पुरुषमा संक्रमण देखिएको हो । यसैगरी, कोसी अस्पतालमा उपचाररत झापा गाउँपालिका झापाका ३३ वर्षिय पुरुषमा पनि संक्रमण देखिएको छ ।

सुर्खेतमा २ पुरुष र १ महिला गरी ३ जना र बर्दियामा १९ वर्षिय पुरुषमा संक्रणम देखिएको डा. विकास देवकोटाले बताए। पिसिआरबाट मात्रै करिब ५५ हजार परीक्षण शनिबारसम्म पीसीआर विधिबाट ४५ हजार ९ सय ५७ जनाको नमुना परीक्षण भएको छ ।