‘मर्निङ वाक’मा निस्केका २६ जना कारबाहीमा

पर्वत । लकडाउनको उल्लंघन गर्दै ‘मर्निङ वाक’मा निस्केका २६ जना कारबाहीमा परेका छन् । जिल्ला प्रहरी कार्यालय पर्वतले उनिहरूलाइ कारबाही गरेको हाे ।

कोरोना भाइरस फैलन सक्ने जोखिमका कारण आम नागरिकलाई ‘मर्निङ वाक’मा नजान भन्दै सूचना जारी गरे पनि त्यसलाई बेवास्ता गर्दै ‘मर्निङ वाक’का लागि निस्किएकालाई नियन्त्रणमा लिइएको कार्यालयले बताएकाे छ ।

पर्वतका प्रमुख प्रहरी नायब उपरीक्षक श्यामु अर्यालका अनुसार सदरमुकाम कुस्मा बजारबाट दुर्लुङ्चोक हुँदै गोदामतर्फ ‘मर्निङ वाक’का लागि हिँडेकाहरूलाई प्रहरीले दुर्लुङचोकमा नै नियन्त्रणमा लिइएको हो। नियन्त्रणमा लिइएका २६ जनालाई चोकमा नै सामाजिक दूरी कायम हुने गरी उभ्याएर आधा घण्टासम्म सम्झाइबुझाइ गरेर छोडिएको छ।