लिखित जवाफ पठाउन सिडिओलाई गृहको कडा निर्देशन

लिखित जवाफ पठाउन सिडिओलाई गृहको कडा निर्देशन image

काठमाडौं । गृह मन्त्रालयले जुम्लाका निमित्त प्रमुख जिल्ला अधिकारी देवेन्द्रप्रसाद श्रेष्ठलाई लिखित जवाफ दिन निर्देशन दिएको छ । महिनावारी हुँदा विद्यालयले आँगनमै कक्षा लिनुको कारण के हो ? किन बाहिर बलालेर कक्षा संचालन गरेको भन्दै गृहले फोन गरेर लिखित जवाफ मागेको हो।

तातोपानी गाउँपालिका–८ बारागाउँको जनजागृति आधारभूत विद्यालयका छात्राले ‘देउता रिसाउने र विद्या पनि हराउने डरले महिनावारी हुँदा विद्यालयको आँगनबाट भित्र नजाने गरेको’ समाचार बाहिरिएपछि सबैको ध्यान गएको छ । सो समाचारका विषयमा बुझेर गृहमन्त्रालयले प्रजिअ श्रेष्ठलाई फोन गरेको थियो ।

गृहको फोन पछि प्रजिअ श्रेष्ठले विद्यालयका प्रधानाध्यापक अमर रावतलाई फोन गरी जवाफ समेत मागिसकेका छन् । यता विद्यालयका प्रधानाध्यापक अमर रावतले सामाजिक कुसंस्कार र आस्थाका कारण छात्रा आफैँ कक्षाकोठाभित्र जान डराउने गरेको बताएका छन् । विद्यालयभित्र पुराना मन्दिर रहेकोले छात्राहरू जान नमानेको उनको तर्क छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda