सांसदले दिएको सुझाव सम्बोधन हुन्छ–प्रधानमन्त्री? (LIVE)

६ जेठ २०७७, काठमाडौं । प्रधानमन्त्री केपी शर्मा ओलीले सरकारले प्रस्तुत गरेको नीति तथा कार्यक्रममा सांसदले उठाएको जिज्ञासा र सुझावलाई आवश्यकता अनुसार सम्बोधन गर्ने बताएका छन् ।

प्रतिनिधिसभा बैठकमा नीति तथा कार्यक्रममाथि सांसदले उठाएको प्रश्नको जवाफ दिनेक्रममा प्रधानमन्त्रीले भने, ‘नीति तथा कार्यक्रमको छलफलका क्रममा माननीय सांसदहरुले उठाएका कुरा र जिज्ञासाले मेरो गम्भीर ध्यानाकषर्णण् भएको छ ।

यी विषयलाई आगामी बजेट तथा अन्य कार्यक्रममा समावेश गरिने छ ।’ प्रतिनिधिसभा बैठकमा सम्बोधन गर्दै प्रधानमन्त्री ओलीले सरकारको प्रयास कोरोनाका कारणले वा कोरोना संक्रमितको अबस्थामा ज्यान गुमाउन नपरोस् भन्ने रहेको दाबी गरेका छन् ।

नेपालमा कोरोनाका कारण दुईजनाको निधन भएको भएपनि प्रधानमन्त्री केपी शर्मा ओलीले मृत्यु भएका दुबैजनामा कोरोनाबाहेक अरु कारण समेत रहेको दाबी गरे । उनले विश्व स्वास्थ्य संगठनको प्रावधानअनुसार कोरोना लागेका कसैको अन्य कारणले निधन भएपनि कोरोनाकै कारण निधन भएको मानिने भएका कारण नेपालमा दुईजनाको ज्यान गएको दाबी गरे ।

प्रधानमन्त्रीले संसदमा गरेको सम्बोधन हेर्नुहोस्…

https://www.facebook.com/Kailashkhabarnews/videos/588907825316268/