- २५ श्रावण २०८३, सोमबार / Aug 10, 2026
७ साउन २०७७ काठमाडौं । पूर्व सांसद बर्मन बुढा अर्थात थवाङलाइ अधिकारका लागि लड्न सिकाउने एक योद्दाको निधनले थवाङलाइ मर्माहित बनाएको छ । ९० वर्षको उमेरमा उपचारको क्रममा ललितपुरमा निधन भएपछि उनको जन्मभूमी रोल्पाको थबाङ शोकमा डुबेको हो । आज आफ्नो अभिभावक गुमाएपछि थबाङ अहिले पुरै शोकमा डुवेको छ । थबाङलाइ संसारमा चिनाउन उनको ठूलो योगदान रहेको थियो ।
थबाङ कम्युनिष्ट आन्दोलनको केन्द्रमा स्थापित हुन दिवंगत बुढाको देन नेपालि कम्युनिष्ट आन्दोलनमा रहेको छ । इतिहास भएर उभिएको थवाङको अर्को नाम हो बर्मन बुढा । रोल्पाको पहिलो कम्युनिस्ट सदस्य भएर काम गरेका बुढाले मोहनविक्रम सिंहको हातबाट कम्युनिस्ट पार्टीको सदस्यता लिएका थिए । पञ्चायतमा प्रधानपञ्च भएर काम गरेका बुढाले जनमत संग्रहको क्रममा बहुदलको पक्षमा थवाङलाइ उभ्याएका थिए ।
२०४८ सालमा तत्कालिन जनमोर्चाको तर्फबाट रोल्पा क्षेत्र नं। १ बाट सांसद बनेका बुढाको उपचारको क्रममा आज विहान ४ः३० बजे ललितपुरस्थित पाटन अस्पतालमा ९० वर्षको उमेरमा निधन भएको हो । बुढा वि।सं। १९८७ साउन १७ गते रोल्पाको थबाङमा जन्मिएका थिए ।
