उद्योग बाणिज्य महासंघको ६४ सदस्यीय कार्यसमितिका लागि आज निर्वाचन हुँदै

काठमाडौं। नेपाल उद्योग वाणिज्य महासंघको नयाँ नेतृत्व चयनका लागि आज निर्वाचन हुँदैछ । मंगलबारबाट सूरु महासंघको ५७औं साधारण सभाले महासंघको नयाँ नेतृत्वका लागि आज निर्वाचन हुन लागेको हो ।

महासंघका वरिष्ठ उपाध्यक्ष चन्द्र ढकाल संघको अध्यक्षमा विधानत स्वत निर्वाचित हुनेछन् भने रिक्त वरिष्ठ उपाध्यक्षलगायतका पदहरुमा निर्वाचन हुनेछ ।

महासंघको अव बन्ने नयाँ कार्यसमितिकाको वरिष्ठ उपाध्यक्ष पदका लागि अन्जन श्रेष्ठ, उमेशलाल श्रेष्ठ र रामचन्द्र सांघाई प्रत्याशी देखिएका छन् । उनीहरु तीनै जनाले यस अघि नै वरिष्ठ उपाध्यक्ष पदमा उम्मेदवारी दिने घोषणा गरिसकेका थिए । यसरी निर्वाचनबाट निर्वाचित वरिष्ठ उपाध्यक्ष अर्को कार्यकालका लागि स्वत अध्यक्षमा चयन हुनेछन् ।

महासंघको साधारण सभाले जिल्ला–नगर वाणिज्य, वस्तुगत र एसोसिएटमा एक–एक जना गरी तीन जना उपाध्यक्ष चयन गर्नेछ । निर्वाचनले वस्तुगत संघबाट १४ जना, उद्योग वाणिज्य संघबाट १८ जना, एसोसिएट कार्यसमितिवाट १९ जना र जिल्लावाट ७ जना सदस्य केन्द्रिय कार्यसमिति चयन गर्नेछ ।

यस साधारण सभाले महासंघको ६४ सदस्यीय नयाँ कार्यसमिति चयन गर्नेछ ।