कोरोना रोकथामका लागि कैदीलाई उन्मुक्ति

काठमाडौं । कोरोना भाइरसको संक्रमण रोक्न इरानले ९५ हजार कैदीबन्दीलाई जेलमुक्त गरेको छ । थप कैदीबन्दीलाई पनि रिहा गर्ने तयारी गरेको इरानी सञ्चार माध्यमहरुले जनाएका छन् ।

सबै प्रक्रिया पूरा गरेर थप कैदीबन्दी रिहाका लागिएको जनाईएको छ । सर्वोच्च नेता आयतुल्लाह खमेनीले माफी दिएपछि कैदी–बन्दीहरू रिहा हुने समाचार सार्वजनिक भएको छ ।

कोरोना भाइरसको संक्रमणलाई चीनले नियन्त्रण लिइसकेको छ भने इटलीपछि इरानमा यसको संक्रमण बढी प्रभावित भएको छ । इरानमा १ हजार १ सय ३५ जनाको मृत्यु भइसकेको छ भने १७ हजार ३ सय ६१ जना संक्रमणमा परेको पुष्टि भएको छ ।