झोलुङ्गे पुलबाट हामफालेर बस्नेतको मृत्यु

७ साउन २०७७ दोलखा । दोलखा र रामेछाप जोड्ने खिम्ति खोलामा रहेको झोलुङ्गे पुलबाट हामफालेर एक जनाको मृत्यु भएको छ । आज दिउँसो १ बजे जिरी नगरपालिका-२ रजनटोल बस्ने ६० वर्षीय लालबहादुर बस्नेतले झोलुङ्गे पुलबाट हामफालेको दोलखाका प्रहरी प्रवक्ता रेशम बोहराले बताए ।

हामफालेको सूचना पाएलगत्तै प्रहरीको टोलीले झोलुङ्गे पुल भन्दा करिब २ किमि दक्षिणतर्फ रामेछापको गोकुलगंगा गाउँपालिका(१ ओलानेस्थित खिम्ति खोलाको भंगालोको बीचमा तैरिरहेको अवस्थामा उनको शव फेला परेको बोहराले बताए ।

वृद्धले मदिरा सेवन गरेपछि पुलबाट हामफालेको हुन सक्ने भएपनि घटनाबारे अनुसन्धान भइरहेको प्रहरीको भनाइ छ ।हामफालेको डेढ घण्टापछि उद्धारमा खटिएको टोलीले नदीबाट शव निकालेको र पोष्टमार्टमका लागि जिरी अस्पताल पठाइएको छ ।