ट्याक्टर दुर्घटनामा सात जनाको ज्यान गयो

४ श्रावण २०७७ प्युठान । ट्याक्टर दुर्घटनामा सात जनाले ज्यान गुमाएका छन् । स्वर्गद्वारी नगरपालिका–३ रुमालेमा लु २ त ४२३४ नम्बरको ट्याक्टर दुर्घटना भएको प्रहरीले जानकारी दिएको छ । धरमपानीबाट भिङ्ग्रीतर्फ आउँदै गरेको ट्याक्टरमा भिङग्री–स्वर्गद्वारी सडकखण्डमा काम गर्ने कामदार रहेको प्रहरी कार्यालय प्युठानका प्रहरी निरीक्षक विष्णुप्रसाद पौडेलले बताए ।

रोल्पा रुम्टीगढी गाउँपालिका ५ का वर्ष २१ का सागर बस्नेत, वर्ष २४ का रिमबहादुर बस्नेत, वर्ष २५ का कबिराम बस्नेत, वर्ष १९ का बीरेन्द्र बाठा मगर, वर्ष १९ का थमन बाठा मगर, उमेर नखुलेका गोर्बधन बुढामर रोल्पाकै त्रिवेणी गाउँपालिकाका चालक वर्ष २५ कमल कुँवरको ज्यान गएको हो । विशाल थापा भने हाम फालेर बाँच्न सफल भएको प्रहरीको भर्ना छ ।