नगरपालिकाको ढोकामै प्रेसरकुकर बम

सिरहा । धनगढीमाई नगरपालिकाको ढोकामै प्रेसरकुकर बम फेला परेको छ । बमलाई नेपाली सेनाको डिस्पोजल टोलीले डिस्पोज गरिसकेको छ । नगरपालिकाका मेयर हरिनारायण चौधरीको कार्यकक्षको ढोका अगाडि रातो झोलामा पोका पारेर राखिएको अवस्थामा बम देखिएको थियो ।

बम देखिएको खबर लगत्तै चोहर्वास्थित श्री शेर गणबाट गएको नेपाली सेनाको डिस्पोजल टोलीले निष्क्रिय पारेको हो । बम कसले राखेको भन्नै अझै नखुलेको जिल्ला प्रहरी सिरहाका प्रवक्ता अपिलराज बोहराले जानकारी दिए ।