- ३१ असार २०८३, बुधबार / Jul 15, 2026
दैलेख । परिक्षा शुल्क भन्दै विद्यार्थीबाट उठाईएको रकम तुरुन्त फिर्ता गर्न अखिल क्रान्तिकारी दैलेखले विद्यालयलाई आग्रह गरेको छ । विप्लव नेतृत्वको नेकपा निकट विद्यार्थी संगठनले शैक्षिक सस्थामा भएको शुल्क वृद्धि विरुद्ध कडा चेतावनी दिदै एक विज्ञप्ती निकालेर विद्यालयलाई यस्तो चेतावनी दिएको हो ।
शैक्षिक माफियाका विरुद्धमा निरन्तर संघर्ष गर्दै आएको भन्दै सो संगठनले यस प्रकारको शुल्क वृद्धिले शिक्षामा आम जनताको पहुँच नपुग्ने बताएको छ । शैक्षिक क्षेत्रमा मौलाउदै गएको व्यापारीकरण र नीजिकरणले माफियालाई नै मलजल गरिरहेको प्रति खेद प्रकट गर्दै अखिल क्रान्तिकारीले नागरिकको मौलिक हक र पहँुचसंग प्रत्यक्ष सम्वन्ध राख्ने शुल्क वृद्धिले शिक्षा कुलीन वर्गको हातमा मात्र निहित रहने बताएको छ ।
यस्ता प्रवृति विरुद्ध सशक्त रुपमा प्रतिवाद गर्दै शुल्कका नाममा उठाइरहेको शुल्कलाई तुरुन्त बन्द गर्ने र उठाएको शुल्क फिर्ता नगरे शैक्षिक आन्दोलनका साथै हड्ताल गर्ने सो संगठनले विज्ञप्तीमार्फत चेतावनी दिएको छ ।
प्रेस विज्ञप्ती
