कुकुरको बच्चा मार्ने तीन जना पक्राउ

काठमाडौं । कुकुरको बच्चालाई कुट्दै जिउँदै खाल्डोमा पुर्नेमध्ये तीन जना युवालाई प्रहरीले पक्राउ गरेको छ । जिल्ला प्रहरी कार्यलय इलामले तीन जनालाई देउमाइ नगरपालिकास्थित जितपुरबाट पक्राउ गरेको हो ।

पशु कल्याण संघ काठमाडौंले कुकुरको बच्चा हत्या गर्नेहरु बिरुद्ध इलाम प्रहरीमा जाहेरी दिएका थिए । सो जाहेरी दर्ता भए लगत्तै उनीहरु पक्राउ परेका हुन् ।भिडियो बनाउने हेतुले ती युवाहरुले कुकुरको बच्चालाई तड्पाई–तड्पाई हत्या गरेका थिए ।

संघले काठमाडौंबाट प्रतिनिधि पठाएर जिल्ला प्रहरी कार्यालय इलाममा जाहेरी दर्ता गराएको थियो । जाहेरीमा मूलुकी अपराध संहिता २०४७ अनुसार हदैसम्मको कारबाही गर्न माग गरिएको छ ।