चितवनको सेती दोभानमा बस दुर्घटना हुँदा २३ जना घाइते, मिनी ट्रक पल्टिँदा १९ खसीबोका मरे

काठमाडौं । बर्दियाबाट खसीबोका लिएर काठमाडौं जान लागेको भे १ ख २३६२ नम्बरको मिनी ट्रक इच्छाकामना गाउँपालिका–४ लेवाटार नजिकै दुर्घटना भएको छ । आइतबार विहान दुर्घटना हुँदा हुँदा १९ खसीबोका मरेका छन्।

ट्रकमा रहेका १४३ वटा खसीबोकामध्ये १९ वटा च्यापिएर मरेका हुन्। त्यस्तै चितवनको सेती दोभानमा बस दुर्घटना हुँदा २३ जना घाइते भएका छन्। गाडीमा २८ जना थिए। २३ जनाको उद्धार गरी उपचारका लागि भरतपुर पठाएको चितवन प्रहरीले जनाएको छ ।

बाँकेको नेपालगञ्जबाट काठमाडौं जाँँदै गरेको लु.प्र.०३–००१ख ००७७ नम्बरको बस पुलबाट करिब २० मिटर तल खोल्साामा खसेको हो। बस बिहान ४ बजेर ४० मिनेटमा दुर्घटनामा परेको प्रहरीले जनाएको छ।