तिला नदीमा बेपत्ता भएका बालकको शव फेला

काठमाडौं । कालिकोटको तिला नदीमा नुहाउने क्रममा डुबेर बेपत्ता भएका बालकको शव फेला परेको छ ।

कालिकोट जिल्लाको तिलागुफा नगरपालिका–७ घर भई सोही नगरपालिका–६ गाल्जे भन्ने स्थान बस्ने अन्दाजी १६ वर्षीय हिक्मत बम नदीमा पौडी खेल्ने क्रममा यही जेठ १५ गते डुबेर बेपत्ता भएका थिए । बेपत्ता बालकको शव खोजी कार्यको लागि सशस्त्र प्रहरी बल नेपाल महेश्वरी बाहिनी मुख्यालय सुर्खेत र आश्रित गुल्म कालिकोटबाट खटिएको गोताखोरसहितको सुरक्षा फौजले उनको शव घटनास्थल नजिकै फेला पारेको थियो ।