- ५ असार २०८३, शुक्रबार / Jun 19, 2026
धनकुटा, १४ कार्तिक । धनकुटा नगरपालिका–९ तिनघुम्तास्थित कोशी लोकमार्गमा आज बिहान यात्रुबाहक बस दुर्घटना हुँदा एक महिला घाइते भएकी छन् ।
प्रहरीका अनुसार प्र १–०२–००१ ख ९५१९ नम्बरको बस दमकबाट दिक्तेलतर्फ जाँदै गरेको थियो । यात्राकै क्रममा बसको हावाको पाइप अचानक पड्किँदा गाडी अनियन्त्रित भई सडकमा पल्टिएको हो । दुर्घटनामा मोरङ, लेटाङ नगरपालिका–३ की ५५ वर्षीया मिना गुरुङ ढाडमा चोट लागी सामान्य घाइते भएकी छन् ।
उनलाई उपचारका लागि धनकुटा जिल्ला अस्पताल पठाइएको प्रहरीले जनाएको छ । बसमा रहेका अन्य २६ जना यात्रु सकुशल रहेका छन् । दुर्घटनापछि प्रहरी चौकी मुलघाटबाट गएको टोलीले उद्धार कार्य सम्पन्न गरेको हो ।
घटनास्थलमा बस अझै रहेको भए पनि सडकमा सवारी आवागमन सामान्य रहेको जिल्ला प्रहरी कार्यालय धनकुटाका प्रहरी उपरीक्षक शरतकुमार थापा क्षेत्रीले जानकारी दिए ।
