विमानभित्र बम भएको झुटो सूचना आएपछि

काठमाडौं । भारतको राजधानी दिल्लीस्थित एयरपोर्टमा विमानभित्र बम भएको सूचना आएपछि विमानलाई तत्काल आइसोलेशनमा लगिएको छ । आन्तरिक विमानभित्र बम भएको धम्की झुटो साबित भएको अधिकारीले बताएका छन्।

अधिकारीका अनुसार दिल्लीबाट वनारसतर्फ उडान भरिरहेको निजी एयरलाइन्स इन्डिगोको विमानभित्र बम भएको धम्कीबारे इन्दिरा गान्धी अन्तर्राष्ट्रिय विमानस्थलले जानकारी गराएपछि विमानलाई तुरुन्तै आइसोलेशनमा लगिएको थियो। एक सय ७७ यात्रु बोकेको उक्त विमान विमानस्थलबाट सबै यात्रु र चालक दललाई आपतकालीन ढोकाबाट उतारेपछि विमानको राम्ररी चेकजाँच गरिएको हो। तर विमानभित्र कुनै संदिग्ध वस्तु फेला नपरेपछि सबै सुरक्षा जाँच पूरा गरेर विमानलाई टर्मिनल क्षेत्रमा फिर्ता लगिने एयरलाइन्सले जारी गरेको विज्ञप्तिमा भनिएको छ।