भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

भारतको कडा कदमपछि पाकिस्तानको आपतकालीन बैठक

भारतको कडा कदमपछि पाकिस्तानको आपतकालीन बैठक

इस्लामाबाद । जम्मू कश्मीरको पहलगाममा भएको आतंकवादी हमलापछि भारतले पाकिस्तानविरुद्ध कडा कदम चालेको छ। यसको जवाफमा पाकिस्तानका प्रधानमन्त्री शाहबाज शरीफले बिहीबार बिहान राष्ट्रिय सुरक्षा समितिको आपतकालीन बैठक बोलाएका छन्।

मंगलबार पहलगाममा भएको आक्रमणमा २६ जनाको मृत्यु भएको थियो भने धेरै घाइते भएका थिए। यस घटनापछि बुधबार भारतीय प्रधानमन्त्री नरेन्द्र मोदीको अध्यक्षतामा नयाँ दिल्लीमा सुरक्षा सम्बन्धी मन्त्रिपरिषद् समिति (सीसीएस) को बैठक बसेको थियो।

बैठकमा गृहमन्त्री अमित शाह, विदेशमन्त्री एस जयशंकर, रक्षामन्त्री राजनाथ सिंह र राष्ट्रिय सुरक्षा सल्लाहकार अजित डोभल सहभागी थिए। सीसीएस बैठकमा भारतले पाकिस्तानसँगको सम्बन्धमा कडा निर्णयहरू गरेको छ।

विदेश सचिव विक्रम मिश्रीले जानकारी दिँदै भने, पाकिस्तानले सीमापार आतंकवादलाई समर्थन गर्न बन्द नगरेसम्म यी कदमहरू लागू रहनेछन्।

निर्णयहरू निम्न छन्

१.सिन्धु जल सन्धि निलम्बनः भारतले १९६० को सिन्धु जल सन्धि तत्काल प्रभावले निलम्बन गरेको छ।

२.अटारी जाँच चौकी बन्दः अटारी एकीकृत जाँच चौकी बन्द गरिएको छ। वैध कागजातवाहकहरूले मे १, २०२५ सम्म यो मार्ग प्रयोग गरेर फर्कन सक्नेछन्।

३. सार्क भिसा छुट रद्दः पाकिस्तानी नागरिकले अब सार्क भिसा छुट योजनाअन्तर्गत भारत यात्रा गर्न पाउने छैनन्। पहिले जारी भिसाहरू रद्द गरिएको छ, र भारतमा रहेका पाकिस्तानी नागरिकले ४८ घण्टाभित्र देश छोड्नुपर्नेछ।

४. कूटनीतिक कदमः नयाँ दिल्लीस्थित पाकिस्तानी उच्चायोगका सैन्य सल्लाहकारहरूलाई अवाञ्छनीय घोषित गरी एक हप्ताभित्र देश छोड्न आदेश दिइएको छ। भारतले इस्लामाबादस्थित आफ्ना सैन्य सल्लाहकारहरूलाई पनि फिर्ता बोलाएको छ। दुवै उच्चायोगमा कर्मचारी संख्या ५५ बाट ३० मा झारिनेछ, जुन मे १, २०२५ देखि लागू हुनेछ।

५. सुरक्षा सतर्कताः भारतीय सुरक्षा बलहरूलाई उच्च सतर्कता अपनाउन र आक्रमणका योजनाकारविरुद्ध कडा कारबाही गर्न निर्देशन दिइएको छ।
पाकिस्तानको प्रतिक्रिया
पाकिस्तानका उपप्रधानमन्त्री तथा विदेशमन्त्री इशाक दारले सामाजिक सञ्जाल एक्समा लेखे, भारतको विज्ञप्तिको जवाफ दिन प्रधानमन्त्री शाहबाज शरीफले राष्ट्रिय सुरक्षा समितिको बैठक बोलाउनुभएको छ। पाकिस्तानले भारतको कदमलाई गम्भीर रूपमा लिएको र बैठकमा यसबारे विस्तृत छलफल हुने बताइएको छ।

पहलगाम आक्रमणलाई भारतले पाकिस्तानबाट सञ्चालित आतंकवादसँग जोडेको छ। भारतले विगतमा पनि पाकिस्तानलाई सीमापार आतंकवाद रोक्न चेतावनी दिँदै आएको छ। यी निर्णयहरूले दुई देशबीचको तनाव थप बढ्ने देखिन्छ।

भारतको कडा कदम र पाकिस्तानको आपतकालीन बैठकले दक्षिण एसियाको भूराजनीतिक अवस्था तनावपूर्ण बनेको छ। विश्व समुदायले यो घटनाक्रमलाई नजिकबाट नियालिरहेको छ।

 


Thali Mobile Pvt.Ltd.