- ३१ असार २०८३, बुधबार / Jul 15, 2026
रुकुम । जाजरकोट केन्द्रविन्दु भएर गएको भूकम्पमा परेर मृत्यु भएका रुकुमका सबै मृतकका परिवारले नगद राहत बुझेका छन् ।
गत कात्तिक २४ र २५ गते पहिलो चरणमा राहत रकम बुझ्न् छुटेका र केही कागजी प्रक्रिया नमिलेकाको बाँकी प्रक्रिया पूरा भएसँगै सबै राहत रकम बुझेका हुन् ।
५३ जना मृतकका नजिकका कानुनी हकदारले विपद् पीडित उद्दार राहत सम्बन्धी मापदण्ड २०७७ बमोजिम राहत रकम बुझेकाे प्रमुख जिल्ला अधिकारी हरिप्रसाद पन्तले बताए ।
३२ घरका ५० जना मृतक परिवारलाई स्थलगत पुगेर ८३ लाख राहत रकम प्रदान गरिएको उनकाे भनाई छ । अन्य तीन जना मृतक परिवारले सल्यान प्रशासनबाट राहत रकम उपलब्ध गराइएको प्रजिअ पन्तको भनाई छ ।
भूकम्पबाट रुकुम पश्चिममा ५३ जनाको ज्यान गएको थियो । सरकारले घोषणा गरेको प्रति मृतक परिवारलाई दुई लाखका दरले राहत रकम प्रदान गरेको हाे ।
