- १७ जेष्ठ २०८३, आईतवार / May 31, 2026
२४ बैशाख २०७७ काठमाडौं । जनताको आवश्यक मात्रामा परिक्षण नभएको र जनस्वास्थ्यमा खेलवाड नगर्न पूर्वस्वास्थ्य मन्त्री दिपक बोहराले आग्रह गरेका छन् ।
राप्रपाका वरिष्ठ नेता तथा पूर्वस्वास्थ्य मन्त्री बोहराले सामाजिक संजाल टुइटरमा सो आग्रह गरेका हुन । कोरोना भाईरस परिक्षणको दायरा नबढाउदासम्म लकडाउन बढाएर समस्याको समधान नहुने तर्क गरेका छन् ।
तत्काललाई एक घर एक परिक्षणको व्यवस्था गर्न सरकारलाई सूझाव दिए । पछिल्लो समय प्रदेशहरुले आवश्यक मेसिन भएपनि टेष्टकिटको अभाव रहेको भनिरहेका बेला पूर्व स्वास्थ्यमन्त्री बोहोराले टुइटर मार्फत सरकारलाई यस्तो आग्रह गरेका हुन् ।
सरकारले कोरोना परीक्षणमा प्रभावकारी काम गर्न नसकेको बोहराको जिकिर छ । तत्कालै देशभर पिसिआर प्रविधिबाट कोरोना परीक्षणको दायरा बढाएर एक घर एक परीक्षण गर्नुपर्ने उनकाे ठहर छ ।
‘लकडाउन गर्नु मात्रै समस्याको समाधान हैन, कोरोना भाइरसको कस्तो अवस्था छ, यकिन गर्न एक घर एक परीक्षण गर्न आवश्यक छ ।’ बोहराले भने ।
रुपन्देहीको भैरहवास्थित प्रदेशको जनस्वास्थ्य प्रयोगशालामा किट अभावका कारण कोभिड–१९ को पीसीआर जाँच रोकिएकोमा आफु अचम्मित भएको भन्दै नेता बोहराले सरकारलाई जनताको स्वास्थ्य प्रति सम्बेदनशिल भई तत्काल किटको व्यवस्था गरी एक घर एक परीक्षण सुचारु गर्न आग्रह गरेका हुन ।
