बुटवलका पाँच डाक्टर बर्खास्त

बुटवल । कोरोना संक्रमण रोकथाम तथा उपचारमा खटिनुपर्ने विषम परिस्थितिमा ड्युटीमा नआएको भन्दै लुम्बिनी प्रादेशिक अस्पतालमा कार्यरत पाँचजना चिकित्सक बर्खास्त गरिएका छन् ।

रेडियोलोजी विभागमा कार्यरत डा. बरदान वली र डा. ताराप्रसाद शर्मा, ईएनटी विभागका डा. प्रकाश न्यौपाने, युरोसर्जन डा. सुवासचन्द्र चौधरी र आकस्मिक विभागमा कार्यरत डा. प्रकृती कार्की सेवाबाट हटाइएको छ । करारमा नियुक्त भएका डाक्टर ड्युटीमा हाजिर नभएपछि अस्पतालका मेडिकल सुपरिटेन्डेन्ट डा. राजेन्द्र खनालले सामाजिक विकास मन्त्रीको निर्देशनमा बर्खास्त गरेको बताए ।

मन्त्री बरालले सिंगो मुलुक कोरोना भाइरस संक्रमणको महामारीको संकटमा परेका बेला अग्रमोर्चामा खटिएर विरामीलाई उपचार गर्नुपर्ने दायित्वबाट पन्छिनु गम्भीर गल्ती हुने भन्दै सेवामा नखटिने चिकित्सकहरुलाई कारवाही गर्न निर्देशन दिएको स्वीकारेका छन् ।