अमेरिकी सेनाको क्याम्पमा रकेट आक्रमण

इरान । इरानले अमेरिकी सेनाको बेस क्याम्पमा रकेट आक्रमण गरेको छ । इराकस्थित अमेरिकी गठबन्धन सेनाको बेस क्याम्पमा बुधबार बिहान दर्जन रकेट प्रहार गरिएको संचारमाध्यमले जनाएका छन्। १३ रकेट प्रहार गरिएको र हालसम्म हताहतीको विवरण सार्वजनिक नभएको अलजजिरा जनाएको छ।

अमेरिकाले थप आक्रमण गरे ठूलो मूल्य चुकाउनु पर्ने चेतावनी दिएको इरानी सरकारी टेलिभिजनले जनाएको छ।अमेरिकी सेनाको क्याम्पमा इरानतर्फबाट कैयौं रकेट प्रहार भएको अमेरिकाले पुष्टि गरेको छ। यता सेनाको रक्षाका लागि जस्तोसुकै कदम चाल्न तयार रहेको पेन्टागनको भनाई छ।

अमेरिकी आक्रमणमा इरानी कमाण्डर कासिम सुलेमानी मारिएपछि इरानले बदला लिने बताउदै आएको छ ।