भर्खरै : Sorry, your browser does not support inline SVG.
नवदुर्गाको धार्मिक तथा सांस्कृतिक महत्व उजागर गर्न ‘अस्त्र टेम्पल क्वेस्ट २०८३’ | भक्तपुरको इतिहास र संघर्ष नयाँ पुस्तालाई बुझाउनुपर्छ : बिजुक्छेँ | यूएईमा भीषण सडक दुर्घटना : २३ गाडी ठोक्किँदा १४ जनाको मृत्यु, ३० घाइते | पर्वतीय क्षेत्र र जलवायु परिवर्तनका मुद्दालाई संस्थागत एजेन्डा बनाउन नेपालको आग्रह | माइक्रोबस दुर्घटनामा एउटै गाउँका १३ जनाको मृत्यु, चक्रघट्टामा शोकबिदा | आइतबारदेखि वर्षा र हिमपातको सम्भावना, खेतमै धान छ भने तत्काल भित्र्याउन आग्रह | प्रधानमन्त्रीको विशेष सुरक्षा सल्लाहकारमा कार्की नियुक्त, पत्र बुझ्न भने अस्वीकार | १० करोड खर्चेको कान्तिताल अलपत्र, लागुऔषध दुर्व्यसनीको अखडा बन्दै |

सीमा सुरक्षाका विषयमा चीन र नेपालबीच छलफल

सीमा सुरक्षाका विषयमा चीन र नेपालबीच छलफल

बेइजिङ । सीमा सुरक्षा, द्विपक्षीय सम्बन्ध र चीनविरोधी गतिविधिमा कडाइ गर्ने विषयमा नेपाल र चीनका गृहमन्त्रीबीच बेइजिङमा छलफल भएको छ । चीनका सार्वजनिक सुरक्षामन्त्री चाओ खची र गृहमन्त्री रामबहादुर थापाबीच दुई देशको सुरक्षा विषयमा छलफल भएको नेपाली दूतावासले जनाएको छ ।

चीनमा अपराध गरेर नेपालमा लुक्ने, नेपालमा बसेर दुवै देशको सुरक्षामा खलल पुर्‍याउने विरुद्ध सहकार्य गर्ने बारे छलफल भएको दुतावासले जनाएको छ । गृहमन्त्री थापाले सोमबार बेइजिङमा सुरक्षामन्त्री चाओसँग द्विपक्षीय सम्बन्ध उचाइमा लैजान सहकार्य अपरिहार्य रहेको बताएका थिए।

गृहमन्त्री थापा चीनको सार्वजनिक सुरक्षा मन्त्रालयको निमन्त्रणामा आइतबार बेइजिङ आइपुगेका हुन्। चीनविरोधी गतिविधि हुन नदिने तथा दुई देशबीचको सीमा सुरक्षा सबल बनाउने विषयमा पनि छलफल भएको छ । चीनले तिब्बत, हङकङ र सिनच्याङ चीनको आन्तरिक मामिला भएको भन्दै यस सम्बन्धमा अरू देशले हस्तक्षेप गर्नु आवश्यक नभएको प्रस्ट पारेको थियो ।

मन्त्री थापाले नेपाली भूमिमा चीनविरोधी गतिविधि हुन नदिने प्रतिबद्धता जनाउदै चिनियाँ समकक्षीलाई नेपाल भ्रमणको निम्तो समेत दिएका छन् । चिनियाँ मन्त्री तथा सुरक्षा अधिकारीसँग मैत्रीपूर्ण तथा सौहार्द भेटवार्ता भएको भन्दै गृह मन्त्रालयका प्रवक्ता केदारनाथ शर्माले मैत्रीपूर्ण निमन्त्रणामा भएको भेटघाट कार्यक्रममा कुनै किसिमको सन्धिसम्झौता नभएको बताए ।

 


Thali Mobile Pvt.Ltd.