- ११ भाद्र २०८३, बिहीबार / Aug 27, 2026
काठमाडौं । कोराना भाइरसको संक्रमण रोक्नका लागि सरकारले एसइइलगायतका परिक्षा स्थगित गरेसंगै उपत्यकाबाट बाहिरिनेकाे संख्या बढेकाे छ ।
गोंगबु नयाँ बसपार्कबाट उपत्यका बाहिर जाने यातायातका साधन पनि बढेको ल्होत्से बहुद्देश्यीय प्रालीका महाप्रबन्धक सुनिल कुँवरले बताए । पहिलेकाे तुलनामा दुई दिन यता यात्रुको सङ्ख्या बढेको उनको भनाई छ ।
नयाँ बसपार्क, पुरानो बसपार्क, कोटेश्वर, कलङ्की क्षेत्रमा यात्रुको भीड बढ्नुको कारण वार्षिक परीक्षा सकिनु रहेको प्रहरीको भनाई छ । परीक्षा सकिए पछि बिदा मनाउन उपत्यका बाहिर जाने यात्रुको चाप बढेको प्रहरी उपरीक्षक जीवनकुमार श्रेष्ठले बताए ।
अरु समयमा ८० हजारको हाराहारीमा यात्रु उपत्यका बाहिरिने गरे पनि दुई दिन यता ह्वात्तै बढेर गएको ट्राफिक प्रहरीको भनाई छ । विभिन्न नाका हुँदै १८ हजार १ सय ८० यात्रुबहाक सवारीसाधन उपत्यका भित्रिएकाे र १८ हजार ४ सय ४१ सवारी साधन बाहिरिएको रेकड काउण्टरमा छ ।
