संस्कृती बचाउन कलाकारले मात्रै हैन, सबै मिलेर जोगाउनु पर्छ : लक्ष्मी तामाङ

सन्चै हुनुहुन्छ ?
सन्चै छु ।

यहाँको जन्म थलो कहाँ हो ?
मेरो जन्म थलो लमजुङ्ग जिल्लाको मर्स्याङ्दी गाउँपालिका वडा नं. ७ छिनखोला हो । म हुर्केको सदरमुकाम बेसिशहरमा हो ।

लक्ष्मी तामाङलाई सहज लाग्ने परिचय ?
पहिले लक्ष्मी तामाङलाई कसैले चिन्दैन थिए । हिजो आज गायिका लक्ष्मी तामाङ भनेर चिन्नु हुन्छ । त्यसैले मलाई सहज परिचय भन्नु पर्दा गायिका लक्ष्मी तामाङ नै हो ।

तामाङको छोरी कलाकारीतामा आउन प्रेरणा कस्ले दियो ?
मलाई कलाकारीतामा आउने प्रेरणा दिने साथी, भाईको हौसला हो । घरमा आमा, बहिनीले हौसला दिनु हुन्छ ।

लोक दोहोरीको क्षेत्र भन्नु पर्दा के भन्नु हुन्छ ?
लोकदोहोरी क्षेत्रका वारेमा भन्नू पर्दा, लोक गीत हाम्रो सस्कृतीको जगेर्ना गर्ने जग हो । यसबाट हामीले धेरै कुरा सिक्न पाउदछौं।

कतिवटा एलवम निकाल्नु भयो ?
हाल सम्म दर्जनौं गीतहरु गरिसकें ।

यस क्षेत्रमा लागिरहने आँट कसरी आयो ?
सांगीतिक क्षेत्रमा लाग्ने आँट त आफ्नै मन हो । यो क्षेत्र छोडेर नि बस्नेहरु धेरै देखें, तर मलाई लाग्छ कि सङ्गीतको दुनियाँ भन्दा बाहिर म रहन सक्दिन ।

जीवन भोगाईमा गीतसंगीतको संयोजन कसरी मिलाउनु भयो ?
जीवनमा अनेकौं आउछन् भोगाइ, पीडा, बाधाहरु । तर सबैलाई मिलाएर लग्नु पर्छ । कठिन भएपनि केही चिज प्राप्त गर्न केही गुमाउनु पर्ने रैछ । धेरै गुमाए, थोरै पाए । तर एक दम मिठास पाएकी छु म यसैमा खुशी छु ।

यहाँ विवाहित कि अविवाहित ?
हामी गीत सङीत कै कुरालाइ जोडौ होला । घरयासी मामिला तीर नजाउँ है ।

घर परिवारबाट कहिले काही असहजता हुन्छ कि हुदैन ?
मेरो घरबाट त्यस्तो असहज परिस्थिति कहिल्यै आएन । आज सम्म त्यस्तो भएको थाहा पनि पाएको छैन ।

जीवनको परिभाषा भन्नु पर्दा ?
जीवन एउटा सुन्दर फुल हो । जो एक दिन ओइलिएर जान्छ । फुलुन्जेल मीठो, राम्रो सुगन्ध दिन पाए जस्तो लाग्छ । त्यसैले नराम्रो र कसैको रिस, राग, डाह गर्न मन पर्दैन ।

कलाकारीता बाहिर बाट हेर्दा जति सहज छ भित्र त्यति कै अप्ठ्यारो पनि छ भन्छन् नि ?
हरेक मानिसको खुशीको पछाडि दुःख लुकेको हुन्छ ।

गीत गाँउन जति सहज छ, त्यसलाई बजारमा ल्याउन अर्थात दर्शकमाझ पु¥याउन गाह्रो छ भन्ने कुरा धेरै सुनिन्छ नि ?
गाउन जति सजिलो देखिन्छ त्यति कै गह्राे पनि छ । गाएर मात्रै कहाँ हुन्छ ? दर्शकमाझ पुर्याउन पनि गाह्रो नै छ । किन कि हिजो आज आफ्नो अनि पार्टीको कलाकारलाई मेला, महोत्सव तीर लाने गर्छन् ।

कलाक्षेत्रमा आउनेलाई के भन्न चाहनु हुन्छ ?
अब नयाँ आउनेलाई मैले के भन्नु खै ? हँ म आफै निकै फसे ।

अन्य देशको तुलनामा नेपाली कलाकारीता पछि छ कि अघि छ ?
ओ माई गड, हाम्रो नेपाल कुनै पनि देशसंग तुलना नगर्दा नै राम्रो ।

नेपाली कला सस्कृति बचाउन कलाकारको भूमिका कस्तो हुनु पर्छ ?
हाम्रो संस्कृती बचाउन कलाकारले मात्रै हैन, सबै मिलेर जोगाउनु पर्छ । कलाकारले छाडा गीत गाउन छोड्नु पर्छ । नेपाली संस्कृती झल्किने गीत गाउनु पर्छ ।

कुरा गर्ने समय दिनु भयो यहाँलाई धन्यवाद ।
मेरा कुराहरुलाई मिडियामा स्थान दिनु भयो तपाईलाई पनि धन्यवाद ।