'कालोबजारी रोक्न प्रहरी कठोर बन्दै'

काठमाडौं । कालोबजारी रोक्न नेपाल प्रहरी कठोर बन्दै छ । ‘अपराध नियन्त्रणमा स्थानीय प्रहरी र नागरिकको भूमिका’ विषयक अन्तक्र्रिया कार्यक्रममा प्रहरीले कठोर बनेर अगाडि बढ्ने बताएको हो ।

कोभिड–१९ को त्रास देखाएर व्यापारीले कालोबजारी गरेको भन्दै महानगरीय प्रहरी कार्यालय रानीपोखरीले कडा रुपमा प्रस्तुत हुने बताएको छ । विपद्का बेला सहयोगी बन्नुको सट्टा अत्यावश्यक सामग्रीलाई कृत्रिम अभाव खडा गरी कालोबजारी गर्ने व्यापारीलाइ कडा कार्वाहीको दायरामा ल्याउने प्रहरीको भनाई छ ।

एक नेपालीले अर्काे नेपालीलाई ठग्ने प्रवृत्तिको अन्त्य गरिने महानगरीय प्रहरी कार्यालय रानीपोखरीका प्रमुख, प्रहरी नायब महानिरीक्षक विश्वराज पोखरेलले बताए । सरकारको समृद्ध नेपाल, सुखी नेपालीको लक्ष्यलाई पूरा गर्न नेपाल प्रहरी लागिरहेको भन्दै पोखरेलले अपराधमुक्त समाज निर्माणमा स्थानीय समुदायको महत्वपूर्ण हात रहने बताए।