गड्डाचौकी नाकामा यात्रुको चाप बढ्याे

कञ्चनपुर । भारतबाट फर्कने यात्रुको पश्चिमी सीमानाका गड्डाचौकीमा भीड लागेपछि सवारीसाधन बन्द गरिएको छ ।

भारतले सवारीसाधन र नेपाली यात्रुलाई भारत प्रवेशमा रोकेको छ भने भारतबाट नेपाल प्रवेश गर्नेलाई खुल्ला गरेको छ । भारतले कोरोना भाइरस रोकथामका लागि नागरिक कफ्र्युको घोषणा गरेपछि भारतमा रहेका नेपाली स्वदेश फर्किन थालेका हुन ।

सीमानाकामा भीड लागेकाले सवारीसाधनलाई सीमा प्रवेश गर्न रोकिएको कञ्चनपुरका प्रहरी नायब उपरीक्षक रवीन्द्रनाथ पौडेलले बताए । दैनिक तीन–चार हजार बढी यात्रु भारतबाट नेपाल फर्केको उनको भनाइ छ ।

तीन दिनदेखि सीमानाकामा नेपाल फर्कने यात्रुको चाप बढेको छ भने सीमानाकामा रहेको हेल्थ डेस्कमा स्वास्थ्य जाँच गर्न निकै कठिनाइ भएको स्वास्थ्यकर्मीले बताए ।