- ३० फाल्गुन २०८२, शनिबार / Mar 14, 2026
काठमाडौं । नेपाली संगीतमा जातीय विभेदको गन्ध अझै कायम रहेको गायक शिव परियारले बताएका छन् । संगीत क्षेत्रमा पनि यस्तो गन्ध आउनु लज्जाको विषय भएको भन्दै उनले संगीतमा क्षेत्रीय र वर्गीय विभेद पनि कायमै रहेको दावी गरेका छन् ।
राजधानीको कुञ्ज थिएटरमा ‘गीत, गजल र शीतल’ कार्यक्रममा सम्मान ग्रहणपछि शनिवार आफ्नो मन्तव्य राख्दै संगीत क्षोत्रमा देखिएको वर्गीय विभेदले नयाँ पुस्तामा निराशा पैदा हुने अवस्था आएको बताए ।
संगीतमा व्यवसायिकताको खोजी गर्दै साधना गरिरहेको भन्दै परियारले संगीतलगायतका विभेदको अन्त्य गरिन जरुरी रहेको बताए ।
नेपाली संगीतमा गजल गायनको नयाँ आयाम प्रस्तुत गर्न सफल भएको भन्दै गायक परियारलाई सम्मान गरिएको ‘गीत, गजल र शीतल’ कार्यक्रमकी प्रमुख शीतल कादम्बिनीले बताइन् । कार्यक्रममा विप्लव प्रतीकले आफ्ना नयाँ पुराना गीत वाचन गरेका थिए ।
