- ८ बैशाख २०८३, मंगलवार / Apr 21, 2026
काठमाडौं । लकडाउनले नेपालका विभिन्न स्थानमा फसेका पर्यटकको उद्दार गरिएको नेपाल पर्यटन बोर्डले बताएको छ ।
देशका विभिन्न ठाँउमा रहेका पर्यटकलाई काठमाडौ ल्याउन लागिएको भन्दै बोर्डका निर्देशक लिला बानियाँले फ्रेन्च, जर्मन तथा अन्य यूरोपेली मुलुकका नागरिकलाई काठमाडौं ल्याउने बताए ।
फ्रान्स सरकारले नेपालमा रहेका आफ्ना नागरिकलाई लैजान फ्रान्सबाट चार्टर्ड प्लेन नेपाल पठाउने तयारी गरेको भन्दै बानियाँले फ्रेन्च दूतावासकै पहलमा देशका विभिन्न स्थानमा रहेका फ्रान्सेली नागरिकलाई काठमाडौं ल्याउन लागिएको बताए ।
सम्बन्धित मुलुकले आफ्नो व्यवस्था गरी स्वदेश नर्फकाएसम्म उद्दार गरिएका पर्यटक काठमाडौंका विभिन्न होटेलमा बस्ने व्यवस्था मिलाउने उनको भनाई छ । नेपालमा कति पर्यटक छन् तिनको विस्तृत तथ्यांक आइसकेको छैन ।
