- १० असार २०८३, बुधबार / Jun 24, 2026
१६ बैशाख २०७७ स्पेन । एनआरएनए स्पेनका उपाध्यक्ष तथा ब्यवसायी दिनेश कुमार गिरीले कोरोना राहात कोषमा ३ सय ३ युरो सहयोग गरेका छन् । बार्सिलोनामा लामो समय देखि रेष्टुरेन्ट ब्यवसायी गर्दै आएका गिरीले एनआरएन स्पेनको राहत कोषमा जम्मा गरेका हुन् ।
छोरा आभाष गिरीको जन्मदिनको अवसरमा कोरोना भाइरस र लक डाउन भएकोले जन्मदिनमा लाग्ने खर्च बराबरको रकम सहयोग गरेको समितिले जनाएकाे छ । कोरोना भाईरसले आक्रान्त बनाईरहेको अवस्थामा घरमा बच्चाहरूलाई जम्मा पारेर बर्थडे मनाउनु भन्दा समस्यामा परेका नेपालीहरूलाई आ-आफ्नो तर्फबाट सकेको सहयोग गर्नु मानविय दायित्व सम्झेर छोराकै सल्लाहमा जन्म दिनमा सहयोग गरेकाे गिरीले बताए ।
सामाजिक अभियन्ता समेत रहेका गिरीले यसअघि पनि छोरी आश्रीया गिरीकाे अन्नप्राशनका अवसरमा एनआरएन स्पेनको भवन खरिद समितिलाई १ हजार युरो सहयोग गरेको थिए । मानविय सहयोग गर्नुपर्छ भन्ने अभिभावकको संस्कारलाई निरन्तरता दिएकाे उनकाे भनाइ छ ।
ब्यवसायीहसंग सहकार्य गरेर धुर्मुश-सुन्तली फाउण्डेशनले निर्माण गर्न लागेको गौतम बुद्व क्रिकेट रंगशालालाई १ हजार युरो सहयोग यस अघि नै गरेका थिए । स्पेनमा हुने विभिन्न राजनिति कार्यक्रम देखि सामाजिक गतिविधिमा निरन्तर सहयोग गर्दै आइरहेका गिरी, बार्सिलोनाका एक सफल ब्यवसायी हुन ।
