जापानमा रहेका नेपाली युवाकाे उदाहरणीय कार्य : वीरेन्द्र शाहीले पठाए विकट गाउँमा राहत

जापानमा रहेका नेपाली युवाकाे उदाहरणीय कार्य :  वीरेन्द्र शाहीले पठाए विकट गाउँमा राहत image

२१ बैशाख २०७७ काठमाडाैं । काेराेना भाइरसकाे महामारीले विश्वभरीका मानिस प्रताडित बनेका छन् । कलकारखाना बन्द हुदा कामगरी खाने मानिस झन मर्कामा परेका छन् । सरकारले राहत प्याकेज दिएपनि दुरदराजका ठाँउमा अझै पुग्न सकेकाे छैन् ।

यस्तै अवस्थामा जापानलाइ कर्मभूमि बनाएका नेपाली युवाहरूले नेपालमा राहत दिइरहेका छन् । ती मध्यका एक हुन दैलेख जिल्ला आठबीस नगरपालिका वडा नं ८ निवासी वीरेन्द्र शाही । उनले आर्थिक अवस्था कमजोर भएका नागरिकहरुलाई राहत प्रदान गरेका छन् ।


पाँच वर्षदेखि जापानको टोकियोमा राेजगारी गरिरहेका शाहीले एक लाख ३० हजार बरारको राहत आठबीस नगरपालिकामा पठाएका हुन् । उनले वडा नं ८ का अवस्था कम्जाेर रहेका स्थानीयलाई राहत वितरण गरेका हुन् ।

ढुंगा पुजेर पुण्य कमाउनु भन्दा खान नपाएका मानिसकाे सेवा गर्नु मानवता हुने भएकाले वास्तविक दुःखी गरिवको सेवा गरेर जानु पर्छ भन्ने उदेश्यले  मानव सेवा गरेकाे शाहीकाे भनाइ छ । आफुले दिनरात मेहनत गरेर कमाएको केही रकमबाट समाज सेवा गरेको विरेन्द्र शाहीले कैलाश खवरलाई बताए ।

उनले काेराेनाबाट बच्न घरभित्रै बस्न आग्रह गरेका छन् । आफु जापानमा भए पनि आफ्नो मन नेपालकै वनपाखामा दाैडिरहेकाे स्मरण गरेका छन् । शाहीले पठाएको राहत वडा नं ८ का अध्यक्ष मुक्तिप्रसाद उपाध्यायले गाउँमा वितरण गरिदिएका छन् ।

समस्यामा परेकालाइ आफ्नै सम्झेर राहत पठाएकोमा शाहीलाइ स्थानीयले धन्यवाद दिएका छन् ।६५ घर धुरीमा एक एक बोरा चामल, नुन, तेल लगायतका सामग्री वितरण गरिएको स्थानीयले बताएका छन् ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्

Prem Durbar Hotel and Nagarkot Zipline ResorthotelghyampedandaHotel City Gaon