पेन्सन सुधारको विरोधमा भएको हड्तालले फ्रान्सको जनजीवन प्रभावित

पेन्सन सुधारको विरोधमा भएको हड्तालले फ्रान्सको जनजीवन प्रभावित image

काठमाडौं । पेन्सन सुधारको विरोधमा भएको देशव्यापी हडतालले फ्रान्सको जनजीवन प्रभावित भएको छ । स्कुल, सरकारी कार्यालयको काम प्रभावित भएको छ भने यातायात सेवा पनि ठप्प भएको छ । धेरै ठाउँमा प्रहरी र प्रदर्शनकारीबीच झडप भएपछि ८७ जनालाई हिरासतमा लिइएको संचारमाध्यमले जनाएका छन् ।

फ्रान्समा कामकाजी वर्ग पेन्सन योजनामा प्रस्तावित सुधारबाट रुष्ट छन् । नयाँ प्रस्तावमा अवकासको उमेर बढाउने प्रस्ताव छ । तोकिएको समय भन्दा अगावै अवकास हुनेले कम रकम पाउने व्यवस्था छ । पेन्सन सुधारको विरोधमा भइरहेको हड्तालमा शिक्षक, यातायातका कर्मचारीसँगसँगै प्रहरी, वकिल, अस्पतालका कर्मचारी, हवाई अड्डाका कर्मचारी र अन्य कामकाजी मानिसहरु समेत सहभागी भएका छन् ।

राष्ट्रपति इम्यानुयल म्याक्रोले फ्रान्समा एक ‘युनिभर्सल प्वाइन्ट बेस्ड पेन्सन प्रणाली’ शुरु गर्न चाहेका छन् । फ्रान्सको मौजुदा पेन्सन स्किम लागू गर्ने म्याक्रोलको उद्देश्य रहेको छ । यद्यपि फ्रान्समा निजी र सार्वजनिक क्षेत्रका कर्मचारीका लागि ४२ अलग-अलग पेन्सन स्किम लागूगरिएको छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda