- १ कार्तिक २०८३, आईतवार / Oct 18, 2026
भक्तपुर । भक्तपुरको बोडेमा एक ब्यक्ति मृत फेला परेका छन् । बोडेस्थित लर्डबुद्ध स्कुल अगाडि निर्माणाधिन टहरामा एक पुरूषको शव रगताम्य अवस्थामा फेला परेको हो ।
जिल्ला प्रहरी परिसर भक्तपुरका प्रवक्ता प्रहरी नायव उपरीक्षक राजु पाण्डेले उक्त स्थानमा मानिसको मृत लाश रहेको जानकारी पाउँनासाथ प्रहरी टोली घटनास्थलमा खटिएको र मृत्तक व्यक्ति भक्तपुर जिल्ला मध्यपुर थिमी नगरपालिका वडा नं. ८ का ५१ वर्षीय कल्याण साहु रहेको जानकारी दिए ।
प्रवक्ता पाण्डेले साहुलाई हत्या गरिएको हुनसक्ने अनुमान गरिएको र केही शंकास्पद व्यक्तिहरुलाई प्रहरीले पक्राउ गरी अनुसन्धान सुरू गरिसकेको जानकारी दिए ।
उक्त घटनाबारे थप अनुसन्धान प्रहरी वृत्त थिमीमा भईरहेको र लाशलाई पोष्टमार्टमका लागि केएमसी अस्पताल दुवाकोटमा राखिएको छ।
