- ३० असार २०८३, मंगलवार / Jul 14, 2026
काठमाडौं । नेपाल मजदुर किसान पार्टीका सांसद प्रेम सुवालले प्रधानमन्त्री शेरवहादुर देउवा नेतृत्वको पाँच दलीय गठबन्धन सरकार कूटनीतिक रुपमा पूर्णत असफल भएको बताएका छन् । आइतबारको प्रतिनिधिसभा बैठकमा बोल्दै सांसद सुवाले जनजिविकाका सवालमा आफ्ना मतहरु राख्दै देउवाको कूटनीतिक असफलताका कारण नेपालमा महँगीले आकाश छोएको बताएका हुन् ।
नेपालको संसदबाट शासक दलहरुले एमसीसी पास गरेपछि अमेरिकी सरकारको दबाबमा देउवा सरकारले रुसविरुद्ध संयुक्त राष्ट्रसंघमा मतदान गरेको बताउँदै अहिले नेपालमा पेट्रोलियम पदार्थ र एलपी ग्याँसको मूल्य बढेको तर्क गरे । रुख युुक्रेन युद्धमा भारत तटस्थ बसेकाले अहिले पनि अन्तर्राष्ट्रिय बजार मूल्यको एक तिहाइ मूल्यमा पेट्रोलियम पदार्थ र एलपी ग्याँस पाएको बताए । एमसीसीकै कारणले नेपाल सरकारले रुसविरुद्ध मतदान गरेकाले अहिले नेपाले महँगोमा आयात गर्नु परेको स्पष्ट पारे । यसले प्रधानमन्त्री देउवाको कूटनीतिक असफलता पुुष्टि गरेको बताए ।
संसद बैठकमा विनियोजन विधेयक–२०७९ को विभिन्न शीर्षकमाथिको खर्च कटौती प्रस्ताव पेस गर्दै सांसद सुवालले सरकारले एमसीसी सम्झौता संसदबाट पारित गरेकै कारण आर्थिक संकट उत्पन्न भएको बताए ।
