- Jan 25, 2025
१. आतङ्कवादी
तिमी फगत दास हौ
अधिकार नमाग्नू
केवल दायित्व निर्वाह गर्नू !
अन्यथा,
सत्ताधर्म नमानेको अभियोगमा
आतङ्कवादी घोषणा हुनेछौ
राष्ट्रिय अधिपतिहरूबाट ।
२. सुरुवात
डढ्छ, लुछिन्छ
काटिन्छ र कुल्चिन्छ घरीघरी
र पनि पलाउँछ, जाग्छ
र हाँस्छ पालुवा
र त
फेरि त्यहीँबाट सुरुवात हुन्छ
एउटा नयाँ जिन्दगी !
३. जित
जल्ने जलाउने
रुने रुवाउने
हाँस्ने हँसाउने
या यस्तै अनेकन
खेलहरू खेलिनेछन् प्रेममा !
खेल,
जोसुकैले जस्तोसुकै खेलोस्
हार त दुबैको निश्चित छ ।
४. बाटो र यात्री
तिम्रा दु:खले
तय गरेको यात्रालाई
पदचापहरूले बाटो पछ्याउँदै
सार्थक बनाइदिन्छन् !
भुइँछापहरू नमेटिँदासम्म
बिनासित्ति पीडा भोगिरन्छन्
बिचरा बाटोहरू ।
५. अन्तिम न्याय
न्यायले अन्याय गरिरहेपनि
न्यायले अन्यायसँग
अन्तिम न्यायको याचना गर्यो !
मलाई,
शिक्षण अस्पतालको बाकसबाट निकालेर
आर्यघाटको चिता माथी चढाइयोस् !
फेरि तिमीलाई
म जस्ता नन्द प्रसादहरूलाई
राख्ने ठाउँ पनि त खाली गर्नुछ ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
काठमाडौं । आर्थिक शोषणविरूद्ध मिटरव्याज पीडितहरूले जनजागरण अभियान सञ्चालन गर्ने भएका छन् । मिटरव्याजविरूद्ध किसान मजदुर आन्दोलन नेपालले शुक्रवार जनकपुरधाममा एक पत्रकार सम्मेलन गरी अभियान शुरुवात गर्ने घोषणा गरेका...
काठमाडौं । शीतलहरका कारण कोशी र मधेश प्रदेशमा जनजीवन प्रभावित बनेको छ । शीतलहर तुषारोको कारण जनजीवन प्रभावित भएको हो । पश्चिमी वायुको सामान्य प्रभाव रहेकाले शीतलहर चलेको मौसम...
तनहुँ । तनहुँको व्यास नगरपालिकाका चार वटा वडा जोड्ने सडकको काम सुस्त भएको छ । गएको जेठदेखि शुरू भएको सडकको स्तरोन्नतिको काम सुस्त भएपछि गति बढाउन व्यास नगरपालिकाले सम्बन्धित...
काभ्रे । काभ्रेमा आगलागी हुँदा एक महिलाको ज्यान गएको छ । काभ्रेको धुलिखेल नगरपालिका–९ काभ्रेभञ्ज्याङमा आगलागीमा एक महिलाको ज्यान गएको हो । आगो पाँच वटा दमकलको सहायतामा सेना, प्रहरी,...
