भर्खरै : Sorry, your browser does not support inline SVG.
कान्ति लोकपथ १५ दिनका लागि दैनिक ६ घण्टा बन्द हुने, वैकल्पिक मार्ग प्रयोग गर्न प्रशासनको आग्रह | तातो लहरले सताएको तराई, भोलिदेखि वर्षाले राहत मिल्ने आशा | जम्मू-कश्मीरको नियन्त्रण रेखा आसपास गोलीबारी, भारत-पाकिस्तानबीच तनाव चुलियो | काठमाडौं उपत्यकाका सम्पदा हाम्रो सभ्यताको गौरवपूर्ण चिनारी हुन् : मन्त्री पाण्डे | भक्तपुर जिल्लामा क्रियाशिल पत्रकारहरूसँग जनस्वास्थ्य कार्यालयको अन्तरक्रिया कार्यक्रम | कोशी प्रदेशको आर्थिक वृद्धिमा वृद्धि, सञ्चित खातामा ५ अर्ब ६२ करोड ७५ लाख | तराई–मधेशमा उच्च गर्मी र तातो हावा, काठमाण्डौमा पनि बढ्ने गर्मी | भारत र पाकिस्तान बीचको तनाव: एक नयाँ युद्धको मोडमा |

रुकुम हत्याकाण्ड : बेपत्ता ६ जनाकै शव भेटियो

रुकुम हत्याकाण्ड : बेपत्ता ६ जनाकै शव भेटियो image

१७ जेठ २०७७, रुकुम । रुकुम पश्चिमको चौरजहारीमा भएको हत्याकाण्डमा बेपत्ता भएका ६ जना सबैको शव फेला परेको छ । यसअघि ५ जनाको शव फेला परेको थियो ।

शनिबार एक जनाको शव फेला परेसँगै बेपत्ता सबैको शव फेला परेको जिल्ला प्रहरी कार्यालय रुकुम पश्चिमका प्रमुख डिएसपी ठगबहादुर केसीले जानकारी दिए । बेपत्ता पारिएका भेरी नगरपालिका–४ का १९ वर्षीय गोविन्द शाहीको शव सुर्खेतको मेलकुनामा फेला परेको हाे ।

अब शव परीक्षण गरेर आफन्तलाई बुझाइने डिएसपी केसीले बताए । यसअघि जाजरकोटका भेरी नगरपालिका–४ का २१ वर्षीय नबराज विक, सोही ठाउँका गणेश बुढा, लोकेन्द्र शाही र चौरजहारीका टिकाराम सुनारको शव नदीमा बाँधेर फालेकाे अवस्थामा फेला परेको थियो ।

गोविन्दबाहेक अरु सबैको शव पोष्टमार्ट पछि आफन्तलाई बुझाइएको छ । जाजरकोट भेरी नगरपालिका–४ का नवराज विक प्रेम विवाहका लागि केटी लिन रूकुम पुगेका बेला साेतीमा लखेटी लखेटी कुटपीट गरेकाे उक्त घटनामा ६ जना बेपत्ता भएका थिए ।

याे घटनाकाे सत्य, तथ्य छानविन गरी अपराधीलाइ कडा कारबाही गर्न देभरबाट अावाज उठिरहेकाे छ । संसदमा समेत विराेध भएपछि गृहमन्त्रालयले छानबिन समिटि गठनगरी अनुसन्धान गर्न टाेली घटनास्थल पठाएकाे छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda



Thali Mobile Pvt.Ltd.