- २० भाद्र २०८३, शनिबार / Sep 5, 2026
धनगढी । कैलालीमा र्यापिड टेस्टपछि घर पठाईएकी महिलाको प्रयोगशाला परीक्षण गर्दा रिपोर्ट ‘पोजेटिभ’ आएको छ । जिल्लाको लम्की बहुमुखी क्याम्पसको क्वारेन्टाईनमा बस्दै आएकी लम्कीचुहा नगरपालिका वडा नं. १ भुरुवाकी ६० वर्षीया महिलामा कोरोना पोजेटिभ देखिएको हो ।
लम्कीचुहा अस्पतालका अनुसार, ‘१४ दिन क्वारेन्टाईमा राखिएपछि ति महिलाको ¥यापिड टेस्ट गरिएको थियो। ¥यापिडमा रिपोर्ट नेगेटिभ आएपछि घर पठाईएको थियो। अहिले प्रयोगशालामा स्वाव परीक्षण गर्दा रिपोर्ट पोजेटिभ आएपछि उनलाई अस्पताल लगिएको छ।’ लम्कीचुहा अस्पतालका प्रमुख डाक्टर प्रकाश तिमिल्सिनाका अनुसार टीकापुर अस्पतालको एम्बुलेन्स मार्फत उनलाई सेती प्रादेशिक अस्पताल लगिएकाे छ ।
सुदूरपश्चिम प्रदेशमा यसअघि चार जनामा कोरोनाको संक्रमण देखिएको थियाे । धनगढीका दुई, लम्कीका एक र कञ्चनपुरका एक जनामा संक्रमण देखिएको थियो।
